قىتايدىڭ چۋنتسين قالاسىنان اۋعانستاننىڭ حايراتون قالاسىنا العاشقى تىكەلەي جۇك پويىزى جولعا شىقتى، دەپ حابارلايدى “ادىرنا” ۇلتتىق پورتالى.
سينحۋا اگەنتتىگىنىڭ حابارلاۋىنشا، 10 اقپان كۇنى تاڭەرتەڭ وڭتۇستىك-باتىس قىتايداعى مەگاپوليستى اۋعانستانمەن بايلانىستىراتىن ءبىرىنشى تەمىرجول باعىتى اشىلعان.
پويىزدا 55 كونتەينەر جۇك تيەلگەن. ولاردىڭ ىشىندە قىتايدىڭ ZTE تەلەكوممۋنيكاتسيالىق كومپانياسى وندىرگەن بايلانىس جابدىقتارى بار. جۇك قورعاس شەكارالىق بەكەتى ارقىلى قازاقستان مەن وزبەكستان اۋماعىن باسىپ ءوتىپ، 12-15 كۇن ىشىندە حايراتونعا جەتەدى.
قىتايلىق كومپانيا وكىلدەرىنىڭ ايتۋىنشا، تىكەلەي تەمىرجول تاسىمالى جۇك جەتكىزۋ ۋاقىتىن 3-5 تاۋلىككە قىسقارتادى، ال لوگيستيكالىق شىعىندار 15-20%-عا تومەندەيدى.
چۋنتسين بيلىگىنىڭ مالىمەتىنشە، بۇل قالا قىتاي مەن ەۋروپا، سونداي-اق قىتاي مەن ورتالىق ازيا اراسىنداعى 18 مىڭنان استام حالىقارالىق جۇك پويىزىن جونەلتكەن.
جۇك پويىزى قازاقستان مەن وزبەكستان اۋماعى ارقىلى وتەدى.
