قىتايدىڭ سولتۇستىك-باتىسىنداعى شىڭجاڭ-ۇيعىر اۆتونوميالىق اۋدانىندا ۋلترا تەرەڭ ۇڭعىمانى بۇرعىلاۋ تەرەڭدىگى 10 000 م شەگىنەن ءوتتى، دەپ حابارلايدى "ادىرنا" ءتىلشىسى سينحۋا اگەنتتىگىنە سىلتەپ.
بۇرعىلاۋعا جاۋاپتى قىتاي ۇلتتىق مۇناي كورپوراتسياسىنىڭ (CNPC) تارىم مۇناي كەن ورنىنىڭ باس ساراپشىسى - ۆان چۋنشەن. ول 10 مىڭ مەترگە جەتكەننەن كەيىن 200°C-تان جوعارى تەمپەراتۋرا جانە 130 مپا-دان جوعارى قابات قىسىمى سياقتى كۇردەلى پروبلەمالارعا تاپ بولاتىنىن جانە ءار مەتر سايىن كۇردەلىلىك ارتاتىنىن اتاپ ءوتتى.
بۇل - جوبالىق تەرەڭدىگى 10 000 مەرتدەن اساتىن قىتايداعى العاشقى عىلىمي بارلاۋ ۇڭعىماسى.
بۇگىن بەيجىڭدەگى حالىق جينالىسى ۇيىندە 14 شاقىرىلعان بۇكىلقىتايلىق حالىق وكىلدەرى جينالىسىنىڭ ەكىنشى سەسسياسى اشىلدى. سەسسيانىڭ اشىلۋىنا ەل باسشىسى سي تسزينپين جانە باسقا دا بيلىك تارماقتارى باسشىلارى قاتىستى.
قحر مەملەكەتتىك كەڭەسىنىڭ پرەمەرى لي تسيان ۇكىمەتتىڭ جۇمىسى تۋرالى بايانداما جاسادى.
ال سەسسيانىڭ قاراۋىنا 2023 جىلعى ەكونوميكالىق جانە الەۋمەتتىك دامۋ جوسپارىنىڭ ورىندالۋى جانە 2024 جىلعا ارنالعان جوسپاردىڭ جوباسى، سونداي-اق 2024 جىلعا ارنالعان ەكونوميكالىق جانە الەۋمەتتىك دامۋ جوسپارىنىڭ جوباسى تۋرالى بايانداما ۇسىنىلدى.
