جاڭا مۇمكىندىكتەر

1227
Adyrna.kz Telegram

24 مامىردا ساعات 11.00-دە قوستاناي وبلىسى اكىمدىگى ءبىلىم باسقارماسى باسشىسىنىڭ جانە «DARA» قايىرىمدىلىق قورى مەن «Samruk-Kazyna Trust» الەۋمەتتىك جوبالاردى دامىتۋ قورى وكىلدەرىنىڭ قاتىسۋىمەن قوستاناي قالاسىنىڭ № 27 وم جانىنداعى ينكليۋزيۆتى ءبىلىم بەرۋدىڭ رەسۋرستىق ورتالىعىنىڭ اشىلۋى وتەدى.

«ءارتۇرلى-تەڭ: قازاقستاندا ينكليۋزيۆتى قوعام قۇرۋ» جوباسى شەڭبەرىندە قوستاناي قالاسىنىڭ № 27 جالپى ءبىلىم بەرەتىن مەكتەپ بازاسىندا رەسۋرستىق ورتالىق اشىلدى.

رەسۋرستىق ورتالىقتىڭ مىندەتى - ەرەكشە ءبىلىم بەرىلۋىنە قاجەتتىلىگى بار بالالاردىڭ دامۋى ءۇشىن، بالالاردىڭ وزدەرىن تەڭ سەزىنۋلەرى ءۇشىن قولايلى كەڭىستىك قۇرۋ. بۇل ولاردىڭ ارقايسىسىنا ءوز الەۋەتىن ىسكە اسىرۋعا، قوعامعا پايدا اكەلۋگە جانە ونىڭ تولىققاندى ازاماتتارى بولۋعا مۇمكىندىك بەرەدى.

قوستاناي قالاسىنداعى №27 مەكتەپتە ينكليۋزيۆتى ءبىلىم بەرۋدىڭ رەسۋرستىق ورتالىعى – بۇل مۇعالىمدەرگە، اتا-انالارعا وقۋ ۇدەرىسىندە ينكليۋزيا قاعيدالارىن ىسكە اسىرۋدا جانە ەرەكشە ءبىلىم بەرىلۋىنە قاجەتتىلىگى بار بالالارعا سىنىپتا جانە مەكتەپتە كەدەرگىسىز ورتا قالىپتاستىرۋعا كومەكتەسۋ ءۇشىن قۇرىلعان مەكتەپ كەڭىستىگىنىڭ ءبىر بولىگى.

اتاپ ءوتۋ كەرەك ينكليۋزيۆتى ءبىلىم بەرۋدىڭ رەسۋرستىق ورتالىعىن اشۋ - بۇل ينكليۋزيۆتى ءبىلىم بەرۋدى قولداۋدىڭ رەسۋرستىق كابينەتتەرىنىڭ جەلىسىن كەڭەيتۋ ءبىلىم مەن عىلىمدى دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىن ىسكە اسىرۋ بولىپ تابىلادى. بۇگىنگى تاڭدا وبلىستا ينكليۋزيۆتى ءبىلىم بەرۋدىڭ 1 رەسۋرستىق ورتالىعى جانە ينكليۋزيۆتى ءبىلىم بەرۋدى قولداۋدىڭ 3 كابينەتى جۇمىس ىستەيدى.

قالادا ەرەكشە ءبىلىم بەرىلۋىنە قاجەتتىلىگى بار 2000-نان استام بالا تۇرادى، ونىڭ ىشىندە 471 بالا قالا مەكتەپتەرىندە وقيدى. 

«ارينە، «ەرەكشە» بالالار مەكتەپ پەن پەداگوگيكالىق ۇجىم تاراپىنان ەرەكشە جانە جان-جاقتى قولداۋدى تالاپ ەتەدى - ادىستەمەلىك، ۇيىمداستىرۋشىلىق جانە اقپاراتتىق قولداۋ، قورشاعان ورتانى بەيىمدەۋ، جەكە ءبىلىم بەرۋ باعىتتارىن قۇرۋ جانە كەيبىر جاعدايلاردا ارنايى مۇعالىمدەردى قولداۋ قاجەت. سوندىقتان بۇل جولداعى ماڭىزدى قادام - رەسۋرستىق ورتالىقتاردى اشۋ»، - دەيدى «دارا» جق وكىلى مارال شەشەمبەكوۆا.

جالپى ءبىلىم بەرەتىن مەكتەپتەرگە باراتىن ەرەكشە ءبىلىم بەرىلۋىنە قاجەتتىلىگى بار بالالار كوبىنەسە مامانداردىڭ قولداۋىنا، مەرزىمدى دەمالىس پەن رەلاكساتسياعا مۇقتاج. بارلىق وسى جاعدايلار رەسۋرستىق ورتالىقتاردى – پسيحولوگ، لوگوپەد، دەفەكتولوگ جانە باسقا مۇعالىمدەر بالالارمەن اينالىساتىن كەڭىستىكتى قۇرۋ كەزىندە ەسكەرىلەدى. وسى ءتاسىلدىڭ ارقاسىندا «ەرەكشە» بالالارعا وقۋ پروتسەسىنە قاتىسۋ وڭايىراق.

مۇندا دامۋ ەرەكشەلىكتەرى بار بالالارمەن جۇمىس ىستەيتىن مۇعالىمدەر دە، اتا-انالار دا كەڭەس الا الادى. سونداي-اق رەسۋرستىق ورتالىقتا ۇيدە وقيتىن بالالاردى الەۋمەتتەندىرۋ بويىنشا جۇمىستار جۇرگىزىلەدى.

«ءارتۇرلى – تەڭ» جوباسى ارقاسىندا ينكليۋزيۆتى ءبىلىم بەرۋگە قول جەتىمدىلىك كەڭەيە تۇسۋدە. تەك سوڭعى 1,5 ايدىڭ ىشىندە ءبىز جامبىل وبلىسىندا پپتك جانە رو فيليالدارىن، ارقالىق پەن پەتروپاۆلدا 2 رو اشتىق، بۇگىن ورتالىقتى وسىندا اشامىز، ال جۋىردا تۇركىستان وبلىسىندا پپتك – نى ىسكە قوسامىز. بارلىعى 14 پپتك جانە 16 ينكليۋزيۆتى ءبىلىم بەرۋ رەسۋرستىق ورتالىعى اشىلدى»، - دەپ اتاپ ءوتتى «Samruk-Kazyna Trust» قورىنىڭ رەسمي وكىلى ميراس ىرگەباەۆ.

پىكىرلەر