Jaŋa mümkındıkter

24 mamyrda saǧat 11.00-de Qostanai oblysy äkımdıgı bılım basqarmasy basşysynyŋ jäne «DARA» qaiyrymdylyq qory men «Samruk-Kazyna Trust» äleumettık jobalardy damytu qory ökılderınıŋ qatysuymen Qostanai qalasynyŋ № 27 OM janyndaǧy İnkliuzivtı bılım berudıŋ resurstyq ortalyǧynyŋ aşyluy ötedı. «Ärtürlı-teŋ: Qazaqstanda inkliuzivtı qoǧam qūru» jobasy şeŋberınde Qostanai qalasynyŋ № 27 jalpy bılım beretın mektep bazasynda Resurstyq ortalyq aşyldy. Resurstyq ortalyqtyŋ mındetı - erekşe bılım berıluıne qajettılıgı bar balalardyŋ damuy üşın, balalardyŋ özderın teŋ sezınulerı üşın qolaily keŋıstık qūru. Būl olardyŋ ärqaisysyna öz äleuetın ıske asyruǧa, qoǧamǧa paida äkeluge jäne onyŋ tolyqqandy azamattary boluǧa mümkındık beredı. Qostanai qalasyndaǧy №27 mektepte inkliuzivtı bılım berudıŋ resurstyq ortalyǧy – būl mūǧalımderge, ata-analarǧa oqu üderısınde inkliuziia qaǧidalaryn ıske asyruda jäne erekşe bılım berıluıne qajettılıgı bar balalarǧa synypta jäne mektepte kedergısız orta qalyptastyruǧa kömektesu üşın qūrylǧan mektep keŋıstıgınıŋ bır bölıgı. Atap ötu kerek inkliuzivtı bılım berudıŋ resurstyq ortalyǧyn aşu - būl inkliuzivtı bılım berudı qoldaudyŋ resurstyq kabinetterınıŋ jelısın keŋeitu Bılım men ǧylymdy damytudyŋ 2020-2025 jyldarǧa arnalǧan memlekettık baǧdarlamasyn ıske asyru bolyp tabylady. Bügıngı taŋda oblysta inkliuzivtı bılım berudıŋ 1 resurstyq ortalyǧy jäne inkliuzivtı bılım berudı qoldaudyŋ 3 kabinetı jūmys ısteidı. Qalada erekşe bılım berıluıne qajettılıgı bar 2000-nan astam bala tūrady, onyŋ ışınde 471 bala qala mektepterınde oqidy.  «Ärine, «erekşe» balalar mektep pen pedagogikalyq ūjym tarapynan erekşe jäne jan-jaqty qoldaudy talap etedı - ädıstemelık, ūiymdastyruşylyq jäne aqparattyq qoldau, qorşaǧan ortany beiımdeu, jeke bılım beru baǧyttaryn qūru jäne keibır jaǧdailarda arnaiy mūǧalımderdı qoldau qajet. Sondyqtan būl joldaǧy maŋyzdy qadam - resurstyq ortalyqtardy aşu», - deidı «Dara» JQ ökılı Maral Şeşembekova. Jalpy bılım beretın mektepterge baratyn erekşe bılım berıluıne qajettılıgı bar balalar köbınese mamandardyŋ qoldauyna, merzımdı demalys pen relaksasiiaǧa mūqtaj. Barlyq osy jaǧdailar resurstyq ortalyqtardy – psiholog, logoped, defektolog jäne basqa mūǧalımder balalarmen ainalysatyn keŋıstıktı qūru kezınde eskerıledı. Osy täsıldıŋ arqasynda «erekşe» balalarǧa oqu prosesıne qatysu oŋaiyraq. Mūnda damu erekşelıkterı bar balalarmen jūmys ısteitın mūǧalımder de, ata-analar da keŋes ala alady. Sondai-aq resurstyq ortalyqta üide oqityn balalardy äleumettendıru boiynşa jūmystar jürgızıledı. «Ärtürlı – Teŋ» jobasy arqasynda inkliuzivtı bılım beruge qol jetımdılık keŋeie tüsude. Tek soŋǧy 1,5 aidyŋ ışınde bız Jambyl oblysynda PPTK jäne RO filialdaryn, Arqalyq pen Petropavlda 2 RO aştyq, bügın ortalyqty osynda aşamyz, al juyrda Türkıstan oblysynda PPTK – ny ıske qosamyz. Barlyǧy 14 PPTK jäne 16 inkliuzivtı bılım beru resurstyq ortalyǧy aşyldy», - dep atap öttı «Samruk-Kazyna Trust» qorynyŋ resmi ökılı Miras Irgebaev.