24 mamyrda saǵat 11.00-de Qostanaı oblysy ákimdigi bilim basqarmasy basshysynyń jáne «DARA» qaıyrymdylyq qory men «Samruk-Kazyna Trust» áleýmettik jobalardy damytý qory ókilderiniń qatysýymen Qostanaı qalasynyń № 27 OM janyndaǵy Inklıýzıvti bilim berýdiń resýrstyq ortalyǵynyń ashylýy ótedi.
«Ártúrli-teń: Qazaqstanda ınklıýzıvti qoǵam qurý» jobasy sheńberinde Qostanaı qalasynyń № 27 jalpy bilim beretin mektep bazasynda Resýrstyq ortalyq ashyldy.
Resýrstyq ortalyqtyń mindeti - erekshe bilim berilýine qajettiligi bar balalardyń damýy úshin, balalardyń ózderin teń sezinýleri úshin qolaıly keńistik qurý. Bul olardyń árqaısysyna óz áleýetin iske asyrýǵa, qoǵamǵa paıda ákelýge jáne onyń tolyqqandy azamattary bolýǵa múmkindik beredi.
Qostanaı qalasyndaǵy №27 mektepte ınklıýzıvti bilim berýdiń resýrstyq ortalyǵy – bul muǵalimderge, ata-analarǵa oqý úderisinde ınklıýzııa qaǵıdalaryn iske asyrýda jáne erekshe bilim berilýine qajettiligi bar balalarǵa synypta jáne mektepte kedergisiz orta qalyptastyrýǵa kómektesý úshin qurylǵan mektep keńistiginiń bir bóligi.
Atap ótý kerek ınklıýzıvti bilim berýdiń resýrstyq ortalyǵyn ashý - bul ınklıýzıvti bilim berýdi qoldaýdyń resýrstyq kabınetteriniń jelisin keńeıtý Bilim men ǵylymdy damytýdyń 2020-2025 jyldarǵa arnalǵan memlekettik baǵdarlamasyn iske asyrý bolyp tabylady. Búgingi tańda oblysta ınklıýzıvti bilim berýdiń 1 resýrstyq ortalyǵy jáne ınklıýzıvti bilim berýdi qoldaýdyń 3 kabıneti jumys isteıdi.
Qalada erekshe bilim berilýine qajettiligi bar 2000-nan astam bala turady, onyń ishinde 471 bala qala mektepterinde oqıdy.
«Árıne, «erekshe» balalar mektep pen pedagogıkalyq ujym tarapynan erekshe jáne jan-jaqty qoldaýdy talap etedi - ádistemelik, uıymdastyrýshylyq jáne aqparattyq qoldaý, qorshaǵan ortany beıimdeý, jeke bilim berý baǵyttaryn qurý jáne keıbir jaǵdaılarda arnaıy muǵalimderdi qoldaý qajet. Sondyqtan bul joldaǵy mańyzdy qadam - resýrstyq ortalyqtardy ashý», - deıdi «Dara» JQ ókili Maral Sheshembekova.
Jalpy bilim beretin mektepterge baratyn erekshe bilim berilýine qajettiligi bar balalar kóbinese mamandardyń qoldaýyna, merzimdi demalys pen relaksaııaǵa muqtaj. Barlyq osy jaǵdaılar resýrstyq ortalyqtardy – psıholog, logoped, defektolog jáne basqa muǵalimder balalarmen aınalysatyn keńistikti qurý kezinde eskeriledi. Osy tásildiń arqasynda «erekshe» balalarǵa oqý proesine qatysý ońaıyraq.
Munda damý erekshelikteri bar balalarmen jumys isteıtin muǵalimder de, ata-analar da keńes ala alady. Sondaı-aq resýrstyq ortalyqta úıde oqıtyn balalardy áleýmettendirý boıynsha jumystar júrgiziledi.
«Ártúrli – Teń» jobasy arqasynda ınklıýzıvti bilim berýge qol jetimdilik keńeıe túsýde. Tek sońǵy 1,5 aıdyń ishinde biz Jambyl oblysynda PPTK jáne RO fılıaldaryn, Arqalyq pen Petropavlda 2 RO ashtyq, búgin ortalyqty osynda ashamyz, al jýyrda Túrkistan oblysynda PPTK – ny iske qosamyz. Barlyǵy 14 PPTK jáne 16 ınklıýzıvti bilim berý resýrstyq ortalyǵy ashyldy», - dep atap ótti «Samruk-Kazyna Trust» qorynyń resmı ókili Mıras Irgebaev.
