بۇگىن، 26 مامىردا قر ءبىلىم جانە عىلىم مينيسترلىگىنىڭ باستاماسىمەن جازعى مەكتەپتەر جۇمىسىنا كىرىستى.
19 ماۋسىمعا دەيىن باستاۋىش جانە جوعارى سىنىپ وقۋشىلارى ساباقتارداعى بولعان ولقىلىقتاردى ورىنداپ، پراكتيكالىق قارالۋدى تالاپ ەتەتىن قيىن تاقىرىپتاردى تەرەڭىنەن پىسىقتاي الاتىن بولادى. بۇل رەتتە ۇلگەرىمى تومەن بالالارعا كوپ كوڭىل ءبولىنىپ، نەگىزگى پاندەرگە ەرەكشە نازار اۋدارىلعان. الدىن الا پروبلەمالىق تاقىرىپتارعا تالداۋ جاسالىپ، ساباقتاردىڭ كەستەسى قۇرىلدى.
پارتاعا-تەك وقىعىسى كەلەتىن بالالار وتىرادى، جازعى مەكتەپكە قابىلداۋ اتا-انالاردىڭ نەمەسە زاڭدى وكىلدەردىڭ ءوتىنىشى بويىنشا جۇزەگە اسىرىلادى.
جازعى مەكتەپتەر تەگىن نەگىزدە جۇرگىزىلەدى، وقۋشىلار ساباققا ەركىن تۇردە قاتىسادى. جازعى مەكتەپتەردە ءۇي تاپسىرماسى بەرىلمەيدى جانە ساباقتار ويىن، ەكسكۋرسيا تۇرىندە جۇرگىزىلىپ،ورتاق جوبالارعا جۇمىس جاسالادى. پەداگوگتار مەن وقۋشىلار ءومىرى مەن دەنساۋلىعىن ساقتاۋ ءۇشىن بارلىق سانيتارلىق قاۋىپسىزدىكتەردى ساقتايدى.
پەداگوگتار پاندەردى جازعى دەمالىس كەزەڭىندەگى ادەتتەگى جۇمىس شەڭبەرىندە تاريفتەۋ بويىنشا جۇكتەمەنى بولۋگە سايكەس جۇرگىزەدى، جازعى مەكتەپتەردەگى جۇمىسى ءۇشىن مۇعالىمدەر وزدەرىنىڭ ءتيىستى جالاقىسىن الاتىن بولادى. مۇعالىمدەردىڭ ءداستۇرلى دەمالىسى جازعى مەكتەپتەردىڭ جۇمىسى اياقتالعاننان كەيىن باستالادى.
