Búgin, 26 mamyrda QR Bilim jáne ǵylym mınıstrliginiń bastamasymen jazǵy mektepter jumysyna kiristi.
19 maýsymǵa deıin bastaýysh jáne joǵary synyp oqýshylary sabaqtardaǵy bolǵan olqylyqtardy oryndap, praktıkalyq qaralýdy talap etetin qıyn taqyryptardy tereńinen pysyqtaı alatyn bolady. Bul rette úlgerimi tómen balalarǵa kóp kóńil bólinip, negizgi pánderge erekshe nazar aýdarylǵan. Aldyn ala problemalyq taqyryptarǵa taldaý jasalyp, sabaqtardyń kestesi quryldy.
Partaǵa-tek oqyǵysy keletin balalar otyrady, jazǵy mektepke qabyldaý ata-analardyń nemese zańdy ókilderdiń ótinishi boıynsha júzege asyrylady.
Jazǵy mektepter tegin negizde júrgiziledi, oqýshylar sabaqqa erkin túrde qatysady. Jazǵy mektepterde úı tapsyrmasy berilmeıdi jáne sabaqtar oıyn, ekskýrsııa túrinde júrgizilip,ortaq jobalarǵa jumys jasalady. Pedagogtar men oqýshylar ómiri men densaýlyǵyn saqtaý úshin barlyq sanıtarlyq qaýipsizdikterdi saqtaıdy.
Pedagogtar pánderdi jazǵy demalys kezeńindegi ádettegi jumys sheńberinde tarıfteý boıynsha júktemeni bólýge sáıkes júrgizedi, jazǵy mektepterdegi jumysy úshin muǵalimder ózderiniń tıisti jalaqysyn alatyn bolady. Muǵalimderdiń dástúrli demalysy jazǵy mektepterdiń jumysy aıaqtalǵannan keıin bastalady.
