«ۇلى پەداگوگ ى. ءالتىنساريننىڭ مۇراسى جانە ونىڭ قازاقستاندىق ءبىلىمنىڭ قالىپتاسۋىنداعى ءرولى» تاقىرىبىنداعى دوڭگەلەك ۇستەلى قازاقستان رەسپۋبليكاسى تاۋەلسىزدىگىنىڭ 30 جىلدىعىنا جانە العاشقى قازاق پەداگوگ-اعارتۋشى ىبىراي ءالتىنساريننىڭ 180 جىلدىق مەرەيتويىنا ورايلاستىرىلعان.
ۇلتتىق ءبىلىم اكادەمياسىنىڭ پرەزيدەنتى عاني بەكتايۇلى بەيسەمباەۆ جانە اكادەميانىڭ بىرقاتار كورنەكتى قايراتكەرلەرى، وبلىس اكىمىنىڭ ورىنباسارى باقىت امانگەلدىقىزى ەسىموۆا، ءبىلىم باسقارماسىنىڭ باسشىسى زاۋرە انۋاربەكقىزى بايمەنوۆا جانە مادەنيەت باسقارماسىنىڭ باسشىسى ەرلان بولاتۇلى قالماقوۆ، وبلىستىڭ ءبىلىم بەرۋ وكىلدەرى دوڭگەلەك ۇستەل بارىسىندا قازاقستاندىق ءبىلىم بەرۋدى دامىتۋ پەرسپەكتيۆاسىنىڭ ماڭىزدى ماسەلەلەرىن تالقىلادى.
بەلگىلى قازاقستاندىق عالىمدار، ۇبا مۇشەلەرى ەسىم عاريفوللا، سەرىك نىعىمەتوللاۇلى نەگيموۆ، جاۋىمباي امانتۇرلىۇلى قاراەۆ اكادەميا جۇمىسىنىڭ باسىم باعىتتارى تۋرالى، قازىرگى پەداگوگيكاداعى ءالتىنساريننىڭ يدەياسىن ساقتاۋ ماڭىزدىلىعى تۋرالى ايتىپ بەردى.
زيالى قاۋىم وكىلدەرى، ىبىراي التىنسارين اتىنداعى ۇلتتىق ءبىلىم اكادەمياسىنىڭ ەڭبەك سىڭىرگەن قوعام قايراتكەرلەرى اعارتۋشىنىڭ تۋعان ەلىنە تاعزىم ەتۋگە، پەداگوگتىڭ ماۆزولەيىنە، ونىڭ ەسىمىمەن اتالاتىن مۇراجايعا بارىپ، قوستاناي جەرىنىڭ ۇلى پەرزەنتىنىڭ ەسكەرتكىشىنە گۇل شوقتارىن قويدى.
ىبىراي التىنسارين قازاق اعارتۋشىلىق تاريحىندا جانە ۇلتتىق مەكتەپتىڭ قالىپتاسۋىندا تەرەڭ ءىز قالدىردى.
جاڭا داۋىردەگى قازاق ادەبيەتىنىڭ دامۋىنا قوماقتى ۇلەس قوسقان عالىم-اعارتۋشى ءبىلىم مەن تاربيەگە ەرەكشە ءمان بەردى. ول قازاق جاستارىن وقۋعا، ونەرگە، ەلدىڭ بولاشاعىنا ۇلەس قوسۋعا شاقىردى. ءبىزدىڭ ورتاق مىندەتىمىز – ىبىراي ءالتىنساريننىڭ مۇراسىن ساقتاۋ جانە ونى جاس قازاقستاندىق ۇرپاقتارىنا جەتكىزۋ.
