Qostanaıda Y. Altynsarın atyndaǵy Ulttyq bilim akademııasy ǵalymdarynyń qatysýymen dóńgelek ústel ótti

1544
Adyrna.kz Telegram

«Uly pedagog Y. Altynsarınniń murasy jáne onyń qazaqstandyq bilimniń qalyptasýyndaǵy róli» taqyrybyndaǵy dóńgelek ústeli Qazaqstan Respýblıkasy Táýelsizdiginiń 30 jyldyǵyna jáne alǵashqy qazaq pedagog-aǵartýshy Ybyraı Altynsarınniń 180 jyldyq mereıtoıyna oraılastyrylǵan.

Ulttyq bilim akademııasynyń Prezıdenti Ǵanı Bektaıuly Beısembaev jáne akademııanyń birqatar kórnekti qaıratkerleri, oblys ákiminiń orynbasary Baqyt Amangeldiqyzy Esimova, bilim basqarmasynyń basshysy Záýre Ánýarbekqyzy Baımenova jáne mádenıet basqarmasynyń basshysy Erlan Bolatuly Qalmaqov, oblystyń bilim berý ókilderi dóńgelek ústel barysynda qazaqstandyq bilim berýdi damytý perspektıvasynyń mańyzdy máselelerin talqylady.

Belgili qazaqstandyq ǵalymdar, UBA músheleri Esim Ǵarıfolla, Serik Nyǵymetollauly Negımov, Jaýymbaı Amanturlyuly Qaraev Akademııa jumysynyń basym baǵyttary týraly, qazirgi pedagogıkadaǵy Altynsarınniń ıdeıasyn saqtaý mańyzdylyǵy týraly aıtyp berdi.

Zııaly qaýym ókilderi, Ybyraı Altynsarın atyndaǵy Ulttyq bilim akademııasynyń eńbek sińirgen qoǵam qaıratkerleri aǵartýshynyń týǵan eline taǵzym etýge, pedagogtiń mavzoleıine, onyń esimimen atalatyn murajaıǵa baryp, Qostanaı jeriniń uly perzentiniń eskertkishine gúl shoqtaryn qoıdy.

Ybyraı Altynsarın qazaq aǵartýshylyq tarıhynda jáne ulttyq mekteptiń qalyptasýynda tereń iz qaldyrdy.

Jańa dáýirdegi qazaq ádebıetiniń damýyna qomaqty úles qosqan ǵalym-aǵartýshy bilim men tárbıege erekshe mán berdi. Ol qazaq jastaryn oqýǵa, ónerge, eldiń bolashaǵyna úles qosýǵa shaqyrdy. Bizdiń ortaq mindetimiz – Ybyraı Altynsarınniń murasyn saqtaý jáne ony jas qazaqstandyq urpaqtaryna jetkizý.

Pikirler