جاڭا كوكجيەكتەرگە جول اشۋ

1672
Adyrna.kz Telegram

1 ماۋسىمدا قوستانايدىڭ فيزيكا-ماتەماتيكا ليتسەيىندە جاڭا STEM-زەرتحاناسىنىڭ اشىلۋى ءوتتى.

3D-پرينتەردى، روبوتوتەحنيكالىق جيىنتىقتاردى، مودۋلدىك ستانوكتاردى قامتيتىن جاڭا جابدىقتىڭ ارقاسىندا ليتسەي وقۋشىلارى وقۋ پروتسەسىنەن قول ۇزبەي، وزدەرىنىڭ كرەاتيۆتى يدەيالارى مەن جوبالارىن ىسكە اسىرۋعا مۇمكىندىك الدى.

«بالالاردى قورعاۋ كۇنىندە جاڭا STEM-زەرتحانانىڭ اشىلۋى كەزدەيسوق ەمەس، ويتكەنى ساپالى ءبىلىم بەرۋ پروتسەسىن، وقۋشىلاردىڭ تالانتتارى مەن قابىلەتتەرىن دامىتۋ مۇمكىندىگىن قامتاماسىز ەتۋ ءۇشىن ءتيىستى جاعداي جاساۋ ماڭىزدى»، - دەپ اتاپ ءوتتى ءبىلىم باسقارماسى باسشىسىنىڭ ورىنباسارى ايمان يبراەۆا.

فيزيكا-ماتەماتيكا ليتسەيىندەگى STEM-زەرتحانانى ساتىپ الۋ ءۇشىن بيۋدجەتتەن 12 ملن. تەڭگەدەن استام قاراجات ءبولىندى.

شامامەن 56 ملن.تەڭگەنى قۇرايتىن STEM-زەرتحانالار وبلىستىڭ تاعى 5 مەكتەبىندە اشىلادى. بۇگىنگى تاڭدا قوستاناي قالاسىنىڭ «ءبىلىم-يننوۆاتسيا» ليتسەيىندە، اۋليەكول اۋدانىنىڭ سيانوۆ اتىنداعى ورتا مەكتەبىندە جانە جىتىقارا اۋدانىنىڭ № 12 ورتا مەكتەبىندە زەرتحانالار اشىلدى. جاقىن ارادا توبىل قالاسىنىڭ مەكتەپ-گيمنازياسىندا تاعى ءبىر زەرتحانانىڭ اشىلۋى جوسپارلانۋدا.

STEM-باعىتى دامۋدىڭ 4 نەگىزگى سالاسىن قامتيدى: ينجەنەرلىك ءىس، باعدارلامالاۋ جانە 3D-ۇلگىلەۋ، سونداي-اق فيزيكا، بيولوگيا، گەوگرافيا، استرونوميا بويىنشا باعدارلامالىق جاساقتاما. وسىنىڭ ارقاسىندا ءبىزدىڭ وقۋشىلار تسيفرلىق تەحنولوگيالاردى مەڭگەرۋ داعدىلارىن دامىتا وتىرىپ، كەلەشەكتە ءىت-سالاسىندا تابىستى مامان بولا الادى. ال پەداگوگتار 3D پرەزەنتاتسيالاردى، ۆيرتۋالدى مودەلدەر مەن تاجىريبەلەردى پايدالانا وتىرىپ، بىرقاتار پاندەردى وقىتۋدىڭ جاڭا مۇمكىندىكتەرىنە يە بولادى. ساتتىلىك تىلەيمىز!

پىكىرلەر