ءبىرتانوۆتىڭ ۇيقاماق مەرزىمى ۇزارتىلدى

2089
Adyrna.kz Telegram

بۇرىنعى دەنساۋلىق ساقتاۋ ءمينيسترى ەلجان ءبىرتانوۆتى ۇيقاماقتا ۇستاۋ مەرزىمى 14 شىلدەگە دەيىن ۇزارتىلدى، دەپ حابارلايدى «ادىرنا» ءتىلشىسى.

8 ماۋسىم كۇنى نۇر-سۇلتان سوتىندا وتىرىس ءوتىپ، ءبىرتانوۆتىڭ ۇيقاماق مەرزىمىن ۇزارتۋ ماسەلەسى قارالدى. پروكۋرور تولەگەن جاراسپاەۆ ءۇي قاماۋىن 2021 جىلعى 14 شىلدەگە دەيىن ۇزارتۋدى سۇرادى. ونىڭ ايتۋىنشا، تەرگەۋ ارەكەتتەرىن اياقتاۋ ءۇشىن ۋاقىت قاجەت. جاراسپاەۆ سونداي-اق بىرتانوۆقا تۇرعىن ۇيدەن شىعۋعا تىيىم سالىپ، ونىڭ وتباسى مۇشەلەرىنەن باسقا ادامدارمەن سويلەسۋىنە رۇقسات بەرمەۋ كەرەك ەكەنىن اتاپ ءوتتى. ەكس-ءمينيستردىڭ ادۆوكاتتارى ءوتىنىشتى قاناعاتتاندىرماۋدى جانە ەلجان ءبىرتانوۆتىڭ بۇلتارتپاۋ شاراسىن الىپ تاستاۋدى سۇرادى.

تاراپتاردى تىڭداعان سۋديا اقمارال يساەۆا شەشىمدى 9 ماۋسىم كۇنى جاريالادى. ول بۇلتارتپاۋ شاراسىنىڭ كۇشىن جويۋعا نەگىز جوق ەكەنىن مالىمدەدى. وسىلايشا سوت ەلجان بىرتانوۆقا قاتىستى بۇلتارتپاۋ شاراسىنىنىڭ مەرزىمىن 2021 جىلعى 14 ماۋسىمنان باستاپ 14 شىلدەنى قوسا العاندا 9 ايعا ۇزارتۋ تۋرالى قاۋلى شىعاردى.

«ادىرنا» ۇلتتىق پورتالى

پىكىرلەر