Birtanovtyń úıqamaq merzimi uzartyldy

2088
Adyrna.kz Telegram

Burynǵy Densaýlyq saqtaý mınıstri Eljan Birtanovty úıqamaqta ustaý merzimi 14 shildege deıin uzartyldy, dep habarlaıdy «Adyrna» tilshisi.

8 maýsym kúni Nur-Sultan sotynda otyrys ótip, Birtanovtyń úıqamaq merzimin uzartý máselesi qaraldy. Prokýror Tólegen Jaraspaev úı qamaýyn 2021 jylǵy 14 shildege deıin uzartýdy surady. Onyń aıtýynsha, tergeý áreketterin aıaqtaý úshin ýaqyt qajet. Jaraspaev sondaı-aq Birtanovqa turǵyn úıden shyǵýǵa tyıym salyp, onyń otbasy múshelerinen basqa adamdarmen sóılesýine ruqsat bermeý kerek ekenin atap ótti. Eks-mınıstrdiń advokattary ótinishti qanaǵattandyrmaýdy jáne Eljan Birtanovtyń bultartpaý sharasyn alyp tastaýdy surady.

Taraptardy tyńdaǵan sýdıa Aqmaral Isaeva sheshimdi 9 maýsym kúni jarııalady. Ol bultartpaý sharasynyń kúshin joıýǵa negiz joq ekenin málimdedi. Osylaısha sot Eljan Birtanovqa qatysty bultartpaý sharasynynyń merzimin 2021 jylǵy 14 maýsymnan bastap 14 shildeni qosa alǵanda 9 aıǵa uzartý týraly qaýly shyǵardy.

«Adyrna» ulttyq portaly

Pikirler