ءيزرايلدىڭ حايفا قالاسىنداعى گوسپيتالدا 28 جاستاعى جىگىتكە ءوزىنىڭ ەسكى جۇرەگىن ەكى جىلدان كەيىن قايتا سالدى. بۇل تۋرالى ەرلان ابسالىق Facebook پاراقشاسىندا جازدى، دەپ حابارلايدى «ادىرنا» ۇلتتىق پورتالى.
«ءيزرايلدىڭ حايفا قالاسىنداعى گوسپيتالدا 28 جاستاعى جىگىتكە ءوزىنىڭ ەسكى جۇرەگىن ەكى جىلدان كەيىن قايتا سالدى. نەبارى 15%-ى عانا قان ايداۋعا شاماسى كەلگەن ەسكى جۇرەك ەكى جىلدان كەيىن تولىق قالپىنا كەلتىرىلىپ، قايتادان ءوز يەسىنە بەرىلدى. وسى ۋاقىت ارالىعىندا جىگىت جاساندى جۇرەكپەن جۇرگەن. بۇل مەديتسيناداعى كەرەمەت جەتىستىك بولىپ تابىلادى. سەبەبى وسىدان كەيىن دونورلىق مۇشەلەرگە قاجەتتىلىك كەرەك بولماي قالادى»، - دەپ جازدى ول.
"ادىرنا" ۇلتتىق پورتالى
