قوستاناي وبلىسى قازاقستان حالقى اسسامبلەياسىنىڭ بەلسەندىلەرى كولەمى 18 شارشى مەتر بولاتىن مەملەكەتتىك تۋ بەينەلەنگەن پازلدى قۇراستىردى. ەرەكشە فلەشموب مەملەكەتتىك رامىزدەر كۇنىنە جانە قر تاۋەلسىزدىگىنىڭ 30 جىلدىعىنا ارنالعان «مەنىڭ ەلىمنىڭ تۋى» پاتريوتتىق اكتسياسى اياسىندا ءوتتى.
«ەتنومادەني بىرلەستىكتەر مەن ەرىكتىلەر قوزعالىسى ورتالىعىنىڭ بەلسەندىلەرى وبلىس اكىمدىگى الدىنداعى الاڭدا مەملەكەتتىك رامىزدەر كۇنىنە وراي قازاقستان رەسپۋبليكاسىنىڭ تۋىن كوتەرۋ ءۇشىن جينالدى. فلەشموب قازاق حالقىنىڭ ۇلتتىق بيىنەن باستالدى، ونى «زاريانكا» حورەوگرافيالىق ۇجىمى قۇرمانعازىنىڭ اۋەنىمەن ورىندادى. قورىتىندى بولىمدە «ينديگو» ۇجىمىنىڭ بيشىلەرى پۆح پازلدارىنان قازاقستان تۋىن قۇراستىردى. جالاۋشا ۇستاعان قحا ەرىكتىلەرى مەن ەتنومادەني بىرلەستىكتەردىڭ وكىلدەرى ۇلتتىق كيىمدەرىمەن شىعىپ، ورتالىق الاڭدى مەرەكەگە ۇلاستىردى»، - دەيدى فلەشموب قاتىسۋشىسى داريا ششەرباكوۆا.
فلەشموبقا قاتىسۋشىلارى بۇل ەستافەتانى وتانعا دەگەن سۇيىسپەنشىلىگىن بىلدىرگىسى كەلەتىن بارلىق قازاقستاندىقتارعا جولدادى. اكتسيا ماۋسىم ايىنىڭ سوڭىنا دەيىن جالعاسادى.
