Qostanaı oblysy Qazaqstan halqy assambleıasynyń belsendileri kólemi 18 sharshy metr bolatyn Memlekettik Tý beınelengen pazldy qurastyrdy. Erekshe fleshmob Memlekettik rámizder kúnine jáne QR Táýelsizdiginiń 30 jyldyǵyna arnalǵan «Meniń elimniń týy» patrıottyq akııasy aıasynda ótti.
«Etnomádenı birlestikter men eriktiler qozǵalysy ortalyǵynyń belsendileri oblys ákimdigi aldyndaǵy alańda Memlekettik rámizder kúnine oraı Qazaqstan Respýblıkasynyń týyn kóterý úshin jınaldy. Fleshmob qazaq halqynyń ulttyq bıinen bastaldy, ony «Zarıanka» horeografııalyq ujymy Qurmanǵazynyń áýenimen oryndady. Qorytyndy bólimde «Indıgo» ujymynyń bıshileri PVH pazldarynan Qazaqstan týyn qurastyrdy. Jalaýsha ustaǵan QHA eriktileri men etnomádenı birlestikterdiń ókilderi ulttyq kıimderimen shyǵyp, ortalyq alańdy merekege ulastyrdy», - deıdi fleshmob qatysýshysy Darıa erbakova.
Fleshmobqa qatysýshylary bul estafetany Otanǵa degen súıispenshiligin bildirgisi keletin barlyq qazaqstandyqtarǵa joldady. Akııa maýsym aıynyń sońyna deıin jalǵasady.
