قر جوعارى سوت كەڭەسىنىڭ توراعاسى لاۋازىمىنا وزگە ۇلت وكىلى سايلاندى

4081

مەملەكەت باسشىسىنىڭ جارلىعىمەن دەنيس الەكسەەۆيچ شيپپ قازاقستان رەسپۋبليكاسى جوعارى سوت كەڭەسىنىڭ توراعاسى لاۋازىمىنا تاعايىندالدى، دەپ حابارلايدى "ادىرنا" ۇلتتىق پورتالى "اقوردا" رەسمي سايتىنا سىلتەمە جاساپ. 

دەنيس شيپپ 1968 جىلى 27 اقپاندا پەتروپاۆلدا دۇنيەگە كەلگەن.

ءبىلىمى: قۇقىقتانۋ ماماندىعى بويىنشا ومبى مەملەكەتتىك ۋنيۆەرسيتەتىن جانە اكادەميك كورولەۆ اتىنداعى سامارا مەملەكەتتىك اەروعارىشتىق ۋنيۆەرسيتەتىن بىتىرگەن.

مانسابىنا كەلەر بولساق، كەي كەزدەردە اعىلشىن اۋدارماشىسى بوپ، كەيىن، سالىق پوليتسياسىنىڭ ينسپەكتورى بولىپ جۇمىس ىستەدى. ول پەتروپاۆل قالالىق سوتىنىڭ جانە الماتى قالاسىنىڭ مامانداندىرىلعان قارجى سوتىنىڭ سۋدياسى بولعان. 2011 جىلدان 2015 جىلعا دەيىن الماتى قالاسىنىڭ مامانداندىرىلعان قارجى سوتىنىڭ توراعاسى بولدى. 2015 جىلدان باستاپ ول جوعارعى سوتتىڭ سۋدياسىنا تاعايىندالدى.

قازاقستان پرەزيدەنتىنىڭ ءباسپاسوز حاتشىسى بەرىك ءۋالي ءوز facebook پاراقشاسىندا جاريالانعان د.ا.ءشيپپتى تاعايىنداۋ تۋرالى پوستىنىڭ استىنا حالىق ءوز قارسىلىعىن ءبىلدىرىپ جاتىر.

"ساياسي لاۋازىم. ۇلتتىق كادر بولۋ كەرەك ەدى!", "وزىمىزدىكى وزەكتەن تەپتى، وزگە قايتەر ەكەن", "قارسىمىن!",- دەگەن پىكىرلەر وتە كوپ.

"ادىرنا" ۇلتتىق پورتالى 

پىكىرلەر
ۇقساس جاڭالىقتار