«تۇرمىسقا شىعۋ كەرەك»: الماتىلىق ارۋ پيكەتكە شىقتى

3070

الماتىلىق سابينا سانبەر «تۇرمىسقا شىعۋ كەرەك» دەگەن جازۋى بار پلاكاتپەن ءبىر ادامدىق پيكەتكە شىقتى، دەپ حابارلايدى «ادىرنا» ءتىلشىسى.

كەيىنىرەك قىز پيكەتكە شىعۋداعى ماقساتىن ءتۇسىندىردى.

«تۇرمىس قۇرۋ ماڭىزدى دەيدى... نە ءۇشىن ماڭىزدى؟ شىنىمدى ايتسام، قازىر بۇل كوپشىلىك ءۇشىن ماسەلە بولىپ ەسەپتەلەدى. ادامدار نەكەگە وتىرۋ قاجەت بولعاندىقتان عانا شاڭىراق كوتەرەدى. قىز 25 جاستان اسىپ، ءالى تۇرمىس قۇرماسا، قوعام ونى «كارى قىز» دەپ اتاپ، قىسىم جاسايدى. بۇل ماعان ۇنامايدى. مەنىڭ جاسىمدى ەستىگەن كەز كەلگەن ادام ءالى تۇرمىسقا شىقپاعانىما تاڭ قالادى. ودان كەيىن  «ۋاقىتى كەلدى» دەگەن اڭگىمەلەر باستالادى. بۇل سۋرەت ارقىلى الەۋمەتتىك ستاندارتتاردى مازاق ەتكىم كەلەدى، ويتكەنى ۇيلەنۋدىڭ ناقتى بەلگىلەنگەن ۋاقىتى جوق. ءسىز دايىن بولعان كەزدە جانە جاقىن ادامىڭىزدى جولىقتارعان جاعدايدا عانا نەكە قيدىرتۋىڭىز قاجەت»،—دەدى ارۋ.

سابينانىڭ ايتۋىنشا، ول 26 جاستا، ءوزىنىڭ جەكە كومپانياسى بار جانە مىنەزى دە جامان ەمەس.

«ءاربىر نازىكجاندى ءوز ادامىن كەزدەستىرگەندە مىندەتتى تۇردە تۇرمىسقا شىعاتىن بولادى. سول سەبەپتى ءبىرىنشى كەزدەسۋدەن-اق ۇيلەنىپ كەتۋ كەرەك دەپ اراڭداتۋدىڭ قاجەتى جوق. قابىلداۋىڭىزدى وزگەرتىڭىز»،– دەپ ءسوزىن قورىتىندىلادى ول.

«ادىرنا» ۇلتتىق پورتالى

پىكىرلەر
رەداكتسيا تاڭداۋى