Almatylyq Sabına Sanber «Turmysqa shyǵý kerek» degen jazýy bar plakatpen bir adamdyq pıketke shyqty, dep habarlaıdy «Adyrna» tilshisi.
Keıinirek qyz pıketke shyǵýdaǵy maqsatyn túsindirdi.
«Turmys qurý mańyzdy deıdi... Ne úshin mańyzdy? Shynymdy aıtsam, qazir bul kópshilik úshin másele bolyp esepteledi. Adamdar nekege otyrý qajet bolǵandyqtan ǵana shańyraq kóteredi. Qyz 25 jastan asyp, áli turmys qurmasa, qoǵam ony «kári qyz» dep atap, qysym jasaıdy. Bul maǵan unamaıdy. Meniń jasymdy estigen kez kelgen adam áli turmysqa shyqpaǵanyma tań qalady. Odan keıin «ýaqyty keldi» degen áńgimeler bastalady. Bul sýret arqyly áleýmettik standarttardy mazaq etkim keledi, óıtkeni úılenýdiń naqty belgilengen ýaqyty joq. Siz daıyn bolǵan kezde jáne jaqyn adamyńyzdy jolyqtarǵan jaǵdaıda ǵana neke qıdyrtýyńyz qajet»,—dedi arý.
Sabınanyń aıtýynsha, ol 26 jasta, óziniń jeke kompanııasy bar jáne minezi de jaman emes.
«Árbir názikjandy óz adamyn kezdestirgende mindetti túrde turmysqa shyǵatyn bolady. Sol sebepti birinshi kezdesýden-aq úılenip ketý kerek dep arańdatýdyń qajeti joq. Qabyldaýyńyzdy ózgertińiz»,– dep sózin qorytyndylady ol.
«Adyrna» ulttyq portaly
