پاكىستان اۋماعىندا ەكى پويىز سوقتىعىستى. توتەنشە جاعداي سالدارىنان 36 ادام قازا تاۋىپ، 50-دەن استام ادام جاراقات العان، دەپ حابارلايدى «ادىرنا» ءتىلشىسى.
قايعىلى وقيعا سيند پروۆينتسياسىندا بولدى. الدىن الا بولجام بويىنشا، ەكسپرەسس پويىزداردىڭ ءبىرى رەلستەن شىعىپ، باسقا پويىزعا سوعىلعان. جەرگىلىكتى تەمىرجول وكىلدەرى اپات سالدارىنان ءتورت ۆاگوننىڭ رەلستەن شىعىپ كەتكەنىن ايتتى.
اپات بولعان گوتكا اۋدانى كوميسسارىنىڭ ورىنباسارى ۋسمان ابدۋللانىڭ ايتۋىنشا، سوقتىعىسۋ ناتيجەسىندە شامامەن 14 ۆاگون اۋدارىلىپ كەتكەن.
«التى-سەگىز ۆاگون تولىعىمەن جويىلدى", - دەدى ول.
كۋاگەرلەر ءوز كەزەگىندە پويىز جولاۋشىلارىنىڭ كوپشىلىگى سوقتىعىسۋ كەزىندە ۇيىقتاپ جاتقانىن اتاپ ءوتتى.
«ادىرنا» ۇلتتىق پورتالى
