شىمكەنتتە قاتتى جەل سوعىپ، سالدارىنان بىرنەشە عيماراتتىڭ شاتىرىن ۇشىرىپ كەتتى، دەپ حابارلايدى «ادىرنا» ءتىلشىسى. بۇل تۋرالى قالا اكىمدىگىنىڭ ءباسپاسوز قىزمەتى جازدى.
قازگيدرومەتتىڭ مالىمەتىنە سايكەس، وڭىردە 6 ماۋسىم كۇنى ساعات 18.25-18.36 اراسىندا 15-28م/س جەل سوققان.
«بايتۇرسىنوۆ كوشەسى 90ا 5 قاباتتى ءۇيدىڭ 40 شارشى مەتر بولاتىن شاتىرى ۇشىپ، قوناەۆ داڭعىلى 1 ءۇيدىڭ اۋلاسىنا قۇلاعان. "تoyota Corolla " ماركالى اۆتوكولىككە زاقىم كەلتىردى. سونداي-اق، سولتۇستىك شاعىن اۋدانى 52 ءۇيدىڭ شاتىرى قاتتى سوققان جەل سالدارىنان قۇلاعان»،– دەپ جازدى ءباسپاسوز قىزمەتى.
وقيعا ورنىنا توتەنشە جاعداي قىزمەتىنىڭ 2 تەحنيكاسى مەن 8 قىزمەتكەرى جىبەرىلگەن.
ايتا كەتەيىك، قازا بولعاندار مەن زارداپ شەككەندەر جوق. قازىرگى تاڭدا جاعداي تۇراقتى.
«ادىرنا» ۇلتتىق پورتالى
