پەنتاگون جۇك تاسىمالدايتىن زىمىراندارىن ۇشىرماق

2180
Adyrna.kz Telegram

اقش اسكەري-اۋە كۇشتەرى وسى اپتادا الەمنىڭ كەز كەلگەن نۇكتەسىنە جۇكتەردى جىلدام جەتكىزۋ ءۇشىن پايدالانىلاتىن زىمىراندارعا ارنالعان  باعدارلاماسىن كەڭەيتىپ جاتقانىن جەتكىزدى دەپ حابارلايدى «ادىرنا» ۇلتتىق پورتالى 3dnews.ru-عا سىلتەمە جاساپ.

اقش عارىش كۇشتەرىنىڭ ەكسپەريمەنتتىك راكەتالىق جۇك باعدارلاماسىن پەنتاگون باسقارادى.

اقش اۋە كۇشتەرى Rocket Cargo باعدارلاماسىن قارجىلاندىرۋ ءۇشىن شامامەن 50 ميلليون دوللار سۇراپ وتىر. بۇل قارجى وتكەن جىلى SpaceX پەن Exploration Architecture Corporation كومپانيالارىمەن باستالعان عىلىمي-زەرتتەۋ جۇمىستارىن جالعاستىرۋعا قولداۋ كورسەتۋى كەرەك.

اسكەريلەر ءارتۇرلى جۇكتەردى عالامشاردىڭ كەز-كەلگەن نۇكتەسىنە جىلدام جىبەرۋ ءۇشىن قايتا قولدانىلاتىن زىمىرانداردى قولدانباق. باعدارلاما عارىشتىق ۇشىرۋلار ءۇشىن قايتىمدى ءبىرىنشى ساتىسى بار زىمىران تاسىعىشتاردى قولداناتىن جالعىز جەكە كومپانيا - SpaceX دامۋىن زەرتتەيدى.

زىمىران جۇك باعدارلاماسى اياسىندا قايتا پايدالانۋعا بولاتىن زىمىراننىڭ ارنايى بولىمىنە 100 تونناعا دەيىنگى جۇكتى جىلدام جۇكتەۋگە مۇمكىندىك بەرەتىن جۇيەنى دامىتۋ جوسپارلانۋدا. زىمىران ۇشىرىلعاننان كەيىن ماقساتتى جەرگە جەتىپ، تىك قونۋعا ءتيىس. سوندىقتان اسكەري كۇشتەر ۇشاقتاردى پايدالانۋدان گورى جۇكتى تەزىرەك اۋىستىرا الادى.

«ادىرنا» ۇلتتىق پورتالى.

پىكىرلەر