Ulttyq aeronavtıka jáne ǵarysh keńistiginiń (NASA) basshysy Bıll Nelson belgisiz ushatyn nysandardy (BUN) zertteý boıynsha jumysty jalǵastyrýǵa múddeli, dep habarlaıdy "Adyrna" ulttyq portaly Lenta.ru-ǵa silteme jasap.
Nelson ǵarysh salasyndaǵy joǵary laýazymdy sheneýnikterdiń eshqaısysy AQSh áskerı-teńiz kúshteriniń ushqyshtary baıqaǵan obektilerdiń naqty ne ekenin bilmeıtindigin atap ótti. Onyń pikirinshe, BUN - kelimsekterdiń Jerge kelýiniń dáleli emes. Sonymen birge NASA basshysy mundaı múmkindikti joqqa shyǵarýdyń erte ekenin moıyndady.
"Biz olar kelimsekter me, bilmeımiz. Biz olardyń jaý ekenin de bilmeımiz. Biz bul optıkalyq qubylys dep oılamaımyz, óıtkeni teńiz ushqyshtary bergen sıpattamalarǵa baılanysty... Biraq biz olar jaıly bilgimiz keledi", - dedi ol.
Baspasóz hatshysy Djekı MakGınnesstiń aıtýynsha, Nelson bul qubylystardy zertteý úshin arnaıy jedel top qurǵan joq, biraq zertteýshilerge olar qajet dep tapqan taqyryp boıynsha kez-kelgen suraqtardy zertteýdi tapsyrdy.
NASA bul máselede AQSh qorǵanys mınıstrligimen tikeleı jumys jasamaıtynyn atap óttdi. Alaıda, eger agenttik qyzmetkerleri nysandardy anyqtaýda sátti jumys jasasa, onda «bul týraly Pentagon biletin bolady».
"Adyrna" ulttyq portaly
