ءبىلىم ءبولىمىنىڭ باسشىسى ءوز-وزىنە قول جۇمسادى

4084
Adyrna.kz Telegram

قوستاناي وبلىسى مەڭدىقارا اۋدانىنىڭ ءبىلىم ءبولىمىنىڭ باستىعى قالىبەك جۇگىنىسوۆ وزىنە قول سالدى، دەپ حابارلايدى "ادىرنا" ۇلتتىق پورتالى Nege.kz سايتىنا سىلتەمە جاساپ.

قايعىلى وقيعا 2 ماۋسىمدا بوروۆسكايا اۋىلىندا بولدى. ق.جۇگىنىسوۆ سىبايلاس جەمقورلىق جاسادى دەگەن كۇدىككە ءىلىنىپ، ەكى اپتا ءۇي قاماقتا جاتقان. ايەلى قوستانايعا كەتكەن كۇنى ول ءوز-وزىنە قول جۇمساعان.

مەڭدىقارا اۋداندىق ءبىلىم ءبولىمى باسشىسىنىڭ مىندەتىن اتقارۋشى ازامات جانايداروۆ قالىبەك جۇگىنىسوۆتىڭ قىزىلوردا وبلىسى ارال قالاسىندا دۇنيەگە كەلگەنىن ايتتى. ول 2015 جىلى قوستاناي وبلىسىنا كەلىپ، مەڭدىقارا اۋدانى اكىمىنىڭ ورىنباسارى قىزمەتىنە ورنالاستى. وسىدان ءۇش جىل بۇرىن اۋداندىق ءبىلىم ءبولىمىنىڭ باستىعى بولىپ تاعايىندالدى.

ء"بىزدىڭ ۇجىم ول كىسىنى قاتتى قۇرمەتتەيتىن. ول ۇنەمى بارلىعىنا كومەكتەسىپ، جۇمىسقا ۇلكەن جاۋاپكەرشىلىكپەن قارايتىن. قالىبەك جۇگىنىسوۆتىڭ ءولىمى ءبىزدى ەسەڭگىرەتىپ تاستادى. بۇل ءبىز ءۇشىن ورنى تولماس قايعى. وتباسىنىڭ قايعىسىنا ورتاقپىز", - دەيدى ا.جانايداروۆ.

قالىبەك جۇگىنىسوۆتىڭ ارتىندا ايەلى مەن ءۇش بالاسى قالدى.

"ادىرنا" ۇلتتىق پورتالى 

پىكىرلەر