قوستانايدا «اۋىل شارۋاشىلىعى – مىقتى ەكونوميكانىڭ نەگىزى» تاقىرىبىندا قازاقستان مەن رەسەيدىڭ XIX وڭىرارالىق ىنتىماقتاستىق فورۋمى ءوز جۇمىسىن باستايدى. فورۋمعا بەينەكونفەرەنتسبايلانىس رەجيمىندە ەكى مەملەكەت باسشىلارى قاسىم-جومارت توقاەۆ پەن ۆلاديمير پۋتين قاتىسادى، دەپ حابارلايدى “ادىرنا” ۇلتتىق پورتالى
فورۋمعا وڭىرارالىق الاڭدا بيزنەس، سالالىق مەملەكەتتىك ورگان، ۆەدومستۆولار، عىلىمي توپ وكىلدەرى، ەكى ەل وڭىرلەرىنىڭ باسشىلارى جينالادى.
فورۋم قازاقستان-رەسەي ىسكەرلىك كەڭەسىنىڭ وتىرىسىنان باستالىپ، قاتىسۋشىلار شەكارالاس وڭىرلەردىڭ اۋىل شارۋاشىلىعى سالاسىنداعى ىنتىماقتاستىعىنىڭ وزەكتى ماسەلەلەرىن، سونىڭ ىشىندە اۋىل شارۋاشىلىعى تەحنيكاسىن جاساۋ، اوك-دەگى كولىك ينفراقۇرىلىمىن دامىتۋ مەن اۋىل شارۋاشىلىعى جوبالارىن تەحنيكالىق سۇيەمەلدەۋ ماسەلەلەرىن تالقىلايدى، – دەپ حابارلادى ساۋدا جانە ينتەگراتسيا مينيسترلىگى.ىسكەرلىك كەڭەستەن باسقا مىناداي ءۇش پانەلدىك سەسسيا وتكىزۋ جوسپارلانعان. ولار «قازىرگى جاعدايدا ازىق-تۇلىك قاۋىپسىزدىگىن قامتاماسىز ەتۋ»، «اگروونەركاسىپ كەشەنىندەگى تسيفرلىق تەحنولوگيالار»، «جاستار جانە اۋىل شارۋاشىلىعى: ءبىلىم بەرۋدەگى جاڭا ۇردىستەر» تاقىرىبىندا بولادى. فورۋم قورىتىندىسى بويىنشا وڭىرارالىق جانە كوممەرتسيالىق قۇجاتتارعا قول قويىلادى دەپ جوسپارلانىپ وتىر.
ۇقساس جاڭالىقتار
قازاقستان رەسەيدىڭ «بايتەرەك» كەشەنى بويىنشا ءوز مىندەتتەمەلەرىن ورىنداۋىن كەيىنگە قالدىرۋعا كەلىستى
