قاراعاندىداعى ورتالىق ساياباقتا ايەلدەر تەگىن اتتارتسيون ءۇشىن توبەلەس شىعاردى، دەپ حابارلايدى «ادىرنا» ءتىلشىسى.
كەشە بالالاردى قورعاۋ كۇنىنە وراي اكىمدىك پەن ساياباق باسقارماسى 14 جاسقا دەيىنگى بالالاردىڭ ءتورت اتتراكتسيوندا تەگىن سىرعاناي الاتىنىن حابارلاعان ەدى. وسىعان بايلانىستى حالىق كوپ جينالىپ، اتا-انالار اراسىندا داۋ تۋىنداعان.
كەيىنىرەك قالا اكىمدىگىنىڭ ءباسپاسوز قىزمەتى بولعان جاعدايعا بايلانىستى مالىمدەمە جاسادى.
"قالانىڭ ورتالىق ساياباعىندا حالىقتىڭ كارانتيندىك نورمالاردى ساقتاماۋىنا بايلانىستى مادەنيەت جانە دەمالىس ساياباقتارى باسقارماسىنىڭ باسشىلىعى اۋماقتا ورنالاسقان اتراكتسيوندار مەن بيزنەس وبەكتىلەرىنىڭ قىزمەتىن توقتاتا تۇرۋ تۋرالى شەشىم قابىلدادى. قاراعاندىلىقتار مەن قالا قوناقتارىن تۇسىنىستىكپەن قاراپ، سانيتارلىق نورمالاردى ساقتاۋعا شاقىرامىز", - دەپ جازدى ۆەدومستۆو.
«ادىرنا» ۇلتتىق پورتالى
