Qaraǵandydaǵy ortalyq saıabaqta áıelder tegin attarıon úshin tóbeles shyǵardy, dep habarlaıdy «Adyrna» tilshisi.
Keshe balalardy qorǵaý kúnine oraı ákimdik pen saıabaq basqarmasy 14 jasqa deıingi balalardyń tórt attrakıonda tegin syrǵanaı alatynyn habarlaǵan edi. Osyǵan baılanysty halyq kóp jınalyp, ata-analar arasynda daý týyndaǵan.
Keıinirek qala ákimdiginiń baspasóz qyzmeti bolǵan jaǵdaıǵa baılanysty málimdeme jasady.
"Qalanyń ortalyq saıabaǵynda halyqtyń karantındik normalardy saqtamaýyna baılanysty Mádenıet jáne demalys saıabaqtary basqarmasynyń basshylyǵy aýmaqta ornalasqan atrakıondar men bıznes obektileriniń qyzmetin toqtata turý týraly sheshim qabyldady. Qaraǵandylyqtar men qala qonaqtaryn túsinistikpen qarap, sanıtarlyq normalardy saqtaýǵa shaqyramyz", - dep jazdy vedomstvo.
«Adyrna» ulttyq portaly
