تۇركيانىڭ سولتۇستىك كيرپگە سالىپ جاتقان اسكەري اۋە كۇشتەرى بازاسى نەگىزىنەن دورندار مەن ۇشقىشسىز ۇشاتىن اپپاراتتاردى ۇشىرىپ، سىناقتاردان وتكىزۋگە ارنالعان دەپ حابارلادى، CNNTürk اگەنتتىگى.
كيپر-تۇرىك اۋەجايى 1974 جىلدان بەرى تۇركيانىڭ مەنشىگىندە بولىپ ەسەپتەلەدى. بۇل اسكەري اۋە كۇشتەرى بازاسىنىڭ سالتاناتتى اشىلۋ شاراسى 20-شى ماۋسىمعا، ياعني كيپردىڭ بىتىمگەرلىك وپەراتسياسىنىڭ 47 جىلدىعىنا ارنالماق.
گەچيتكالە اۋەجايىن دروندار مەن ۇشقىشسىز ۇشاتىن اپپاراتتاردىڭ اۋە بازاسىنا اينالدىرۋ تۋرالى شەشىم 2019 جىلى ەكى ەلدىڭ تەڭىز شەكاراسىن قايتا قاراۋ تۋرالى "تەڭىز كەلىسىمىنە" قول قويعاننان كەيىن قابىلداندى، دەپ حابارلايدى CNNTürk.
وسى ۋاقىتقا دەيىن تۇركيانىڭ وڭتۇستىك مۋگلا پروۆينتسياسىنداعى دالامان اۋە بازاسى درونداردى ۇشىرۋ ءۇشىن پايدالانىلىپ كەلدى.
قوسىمشا كۇشتەردىڭ دايىندىعىن قامتاماسىز ەتەتىن جاڭا بازا قولدانىسقا بەرىلگەننەن كەيىن وندا درونداردى كۇردەلى جوندەۋدەن وتكىزەتىن مەحانيكالىق تسەحتار سالىنىپ، وق-دارىلەر ساقتايتىن قويمالار دا قىزمەتىن اتقاراتىن بولادى. بۇل اسكەري اۋە بازاسىنا F-16 ۇشاقتارىن ۇشىرىپ، قوندىرۋ پروتسەستەرى دە ىسكە اساتىن بولادى دەپ مالىمدەدى، CNNTürk اگەنتتىگى.
بەكبولات قارجان،
"ادىرنا" ۇلتتىق پورتالى
