اناسىنا قاراپايىم كيىنىپ باراتىن پرەزيدەنت كىم؟
«التىن كورسە، پەرىشتە جولدان تايادى» دەگەن ماقال بۇل پرەزيدەنتتى اينالىپ وتكەن سەكىلدى. ول پرەزيدەنتتەن بۇرىن بيزنەسمەن، ميلليونەر ءارى تابىستى سپورتشى. بىراق «جولدان تايعان جوق».
مۇنىڭ دالەلى نەدە دەسەڭىزدەر، اسىپ-تاسقان بايلىعى بولا تۇرا موڭعوليا پرەزيدەنتى باتتۋلگانىڭ اناسى ەسكى ۇيدە تۇرادى.
جو-جوق، اناسىن قۇرمەتتەمەگەنى، جاقسى كورمەگەنى ەمەس، كۇيەۋى ەكەۋى كىرپىشىن ءوز قولدارىمەن قالاعان قارا شاڭىراقتا قالۋدى قارت انا ءوزى شەشكەن ەكەن.
ال پرەزيدەنت اناسىنا ءجيى بارىپ تۇرادى، جاي عانا بارىپ قويمايدى. ۇستىندەگى كوستيۋم-شالبارىن شەشىپ، قاراپايىم فۋتبولكا كيىپ بارادى، ءۇي تىرلىكتەرىن ءوز قولىمەن اتقارادى. اناسى دايىنداعان تاعامدى جەپ، قولىنان قويۋ شاي ىشەدى. ۇستىنەن كوستيۋم-شالبارىن عانا ەمەس، «پرەزيدەنت» دەگەن لاۋازىمىن تۇگەل شەشەدى. جالپى انانىڭ قاراپايىم بالاسىنا اينالادى.
موڭعول ەلىنىڭ باسشىسى ءبىر سۇحباتىندا: «اناما ەشقاشان رەسمي كيىممەن بارمايمىن، ونىڭ كوزىنشە قالتامنان كوپ اقشا شىعارعان دا ەمەسپىن.
بۇل كىسى ۇكىمەتتەن الاتىن از زەينەتاقىسىن ۇنەمدەپ، كەلەسى ايعا دەيىن جەتكىزۋگە ۇيرەنگەن ادام»، - دەگەن ەكەن.
("شىندىقتان قاشا المايسىڭ" توبىنان)
