Anasyna qarapaıym kıinip baratyn prezıdent kim?
«Altyn kórse, perishte joldan taıady» degen maqal bul prezıdentti aınalyp ótken sekildi. Ol prezıdentten buryn bıznesmen, mıllıoner ári tabysty sportshy. Biraq «joldan taıǵan joq».
Munyń dáleli nede deseńizder, asyp-tasqan baılyǵy bola tura Mońǵolııa prezıdenti Battýlganyń anasy eski úıde turady.
Jo-joq, anasyn qurmettemegeni, jaqsy kórmegeni emes, kúıeýi ekeýi kirpishin óz qoldarymen qalaǵan qara shańyraqta qalýdy qart ana ózi sheshken eken.
Al prezıdent anasyna jıi baryp turady, jaı ǵana baryp qoımaıdy. Ústindegi kostıým-shalbaryn sheship, qarapaıym fýtbolka kıip barady, úı tirlikterin óz qolymen atqarady. Anasy daıyndaǵan taǵamdy jep, qolynan qoıý shaı ishedi. Ústinen kostıým-shalbaryn ǵana emes, «prezıdent» degen laýazymyn túgel sheshedi. Jalpy ananyń qarapaıym balasyna aınalady.
Mońǵol eliniń basshysy bir suhbatynda: «Anama eshqashan resmı kıimmen barmaımyn, onyń kózinshe qaltamnan kóp aqsha shyǵarǵan da emespin.
Bul kisi úkimetten alatyn az zeınetaqysyn únemdep, kelesi aıǵa deıin jetkizýge úırengen adam», - degen eken.
("Shyndyqtan qasha almaısyń" tobynan)
