قازاقستاندىق تانىمال Mad Men توبىنىڭ مۇشەلەرىنە ۇيىمداسقان قىلمىستىق توپ قۇردى جانە وعان قاتىستى دەگەن ايىپ تاعىلدى، دەپ حابارلايدى «ادىرنا» ۇلتتىق پورتالى Polisia.kz سايتىنا سىلتەمە جاساپ.
پوليتسيا مالىمەتى بويىنشا، تۇراقتى ەسىرتكى جەلىسى ءبىر اي بۇرىن جويىلعان. ونىڭ قۇرامىندا 21 جاستان 30 جاسقا دەيىنگى 10 ادام بولعان. توپتى 27 جاستاعى ح باسقارادى.
«ەسىرتكى قىلمىسىنا قارسى كۇرەس باسقارماسى قىزمەتكەرلەرىنىڭ كوزىنە ح. ەسىمدى ەر ادام 2020 جىلدىڭ قىركۇيەگىندە تۇسكەن. قولدا بار جەدەل مالىمەتتەرگە سايكەس، توپتاعى ادام ءبىر جىل بويى الماتىدا سينتەتيكالىق ەسىرتكىنى ءوندىرۋ جانە ساتۋمەن اينالىسقان. ح. ەسىمدى ەر ادام جانە ونىڭ «كومەكشىلەرىنىڭ» قىلمىستىق ارەكەتتەرى رەسمي تۇردە قۇجاتتالعان. ونىڭ ءار كومەكشىسىنىڭ رولدەرى ناقتى قويىلعان. مىسالى، لوگيستيكالىق كومپانيا ارقىلى رەسەي فەدەراتسياسىنان سينتەتيكالىق ەسىرتكى زاتتارىن وندىرۋگە ارنالعان كومپونەنتتەردى جەتكىزۋگە ءۇش ادام جاۋاپ بەرەدى. ولاردىڭ ءبىرى قىز، ەكى جاس جىگىت – كاسسا قىزمەتى، وتىنىمدەر قابىلداۋ جانە ەسىرتكىنى تاراتاتىندارعا جاۋاپ بەرەدى. تاعى ءتورت ەر ادام – ەسىرتكى تاراتۋشىلار قالانىڭ ناۋرىزباي، بوستاندىق جانە الاتاۋ اۋداندارىندا جۇرگەن»، - دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
ىسكە قاتىسى بار كۇدىكتىلەرگە قر قك-نىڭ 262-بابى 1 جانە 2-بولىگىندە كوزدەلگەن ۇقت قۇرۋ جانە وعان باسشىلىق ەتۋ دەرەگى بويىنشا ايىپ تاعىلعان. كۇدىكتىلەر سوت سانكتسياسىمەن قاماۋعا الىندى. سوتالدى تەرگەۋ جۇرگىزىلىپ جاتىر.
ايتا كەتەيىك، بۇعان دەيىن الماتى پوليتسياسى سينتەتيكالىق ەسىرتكى وندىرۋمەن جانە ساتۋمەن اينالىستى دەگەن كۇدىكپەن ءبىر توپ ادامدى ۇستاعانى حابارلانعان بولاتىن. ولاردىڭ قاتارىندا جاستار اراسىندا تانىمال Mad Men توبىنىڭ ءسوليسى بار دەگەن اقپارات شىقتى. كەيىن ءتارتىپ ساقشىلارى ەسىرتىكى قىلمىسىنا قاتىسى بار 10 ادامنىڭ ەكەۋى Mad Men توبىنىڭ ءانشىسى ەكەنىن راستادى.
Mad Men Q-رور توبىنىڭ ۇستالعان انشىلەرى 15 جىلعا دەيىن باس بوستاندىعىنان ايىرىلۋى مۇمكىن.
"ادىرنا" ۇلتتىق پورتالى
