Qazaqstandyq tanymal Mad Men tobynyń múshelerine uıymdasqan qylmystyq top qurdy jáne oǵan qatysty degen aıyp taǵyldy, dep habarlaıdy «Adyrna» ulttyq portaly Polisia.kz saıtyna silteme jasap.
Polıııa málimeti boıynsha, turaqty esirtki jelisi bir aı buryn joıylǵan. Onyń quramynda 21 jastan 30 jasqa deıingi 10 adam bolǵan. Topty 27 jastaǵy H basqarady.
«Esirtki qylmysyna qarsy kúres basqarmasy qyzmetkerleriniń kózine H. esimdi er adam 2020 jyldyń qyrkúıeginde túsken. Qolda bar jedel málimetterge sáıkes, toptaǵy adam bir jyl boıy Almatyda sıntetıkalyq esirtkini óndirý jáne satýmen aınalysqan. H. esimdi er adam jáne onyń «kómekshileriniń» qylmystyq áreketteri resmı túrde qujattalǵan. Onyń ár kómekshisiniń rólderi naqty qoıylǵan. Mysaly, logıstıkalyq kompanııa arqyly Reseı Federaııasynan sıntetıkalyq esirtki zattaryn óndirýge arnalǵan komponentterdi jetkizýge úsh adam jaýap beredi. Olardyń biri qyz, eki jas jigit – kassa qyzmeti, ótinimder qabyldaý jáne esirtkini taratatyndarǵa jaýap beredi. Taǵy tórt er adam – esirtki taratýshylar qalanyń Naýryzbaı, Bostandyq jáne Alataý aýdandarynda júrgen», - dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Almaǵambetov.
Iske qatysy bar kúdiktilerge QR QK-nyń 262-baby 1 jáne 2-bóliginde kózdelgen UQT qurý jáne oǵan basshylyq etý deregi boıynsha aıyp taǵylǵan. Kúdiktiler sot sankııasymen qamaýǵa alyndy. Sotaldy tergeý júrgizilip jatyr.
Aıta keteıik, buǵan deıin Almaty polıııasy sıntetıkalyq esirtki óndirýmen jáne satýmen aınalysty degen kúdikpen bir top adamdy ustaǵany habarlanǵan bolatyn. Olardyń qatarynda jastar arasynda tanymal Mad Men tobynyń solısi bar degen aqparat shyqty. Keıin tártip saqshylary esirtiki qylmysyna qatysy bar 10 adamnyń ekeýi Mad Men tobynyń ánshisi ekenin rastady.
Mad Men Q-ror tobynyń ustalǵan ánshileri 15 jylǵa deıin bas bostandyǵynan aıyrylýy múmkin.
"Adyrna" ulttyq portaly
