تايۆاننىڭ اقش-پەن اسكەري جاقىنداسۋ ارقىلى ءوزىن قىتايدان وقشاۋلاۋعا تىرىسۋى قاجەتتى ناتيجە بەرمەيدى جانە اپاتتى سالدارعا اينالۋ قاۋپى بار. بۇل تۋرالى قىتاي حالىق رەسپۋبليكاسى مەملەكەتتىك كەڭەسى جانىنداعى تايۆان ىستەرى باسقارماسىنىڭ رەسمي وكىلى چجۋ فەنليان 26 مامىردا وتكەن ءباسپاسوز كونفەرەنتسياسىندا ايتتى.
چجۋ 25 مامىردا تايۆاندىق جويعىش ۇشاقتىڭ امەريكا قۇراما شتاتتارىنا ۇشۋى تۋرالى پىكىر ءبىلدىردى. ول دەموكراتيالىق پروگرەسسيۆتى پارتيا مەن تايۆانداعى ساياسي كۇشتەر «ءبىر قىتاي» قاعيداتىن ۇستانبايتىنىن جانە اسكەري قارسىلاستىقتى ادەيى جاقىنداتا تۇسەتىندىگىن باسا ايتتى.
«ولار تاۋەلسىزدىك دەپ اتايتىن قۇندىلىققا كۇشپەن قول جەتكىزۋ ارەكەتتەرى ەشتەڭەگە اكەلمەيدى، ول تەك تايۆان حالقى ءۇشىن اپاتقا اينالۋى مۇمكىن», - دەپ ەسكەرتتى چجۋ فەنگليان.
بۇعان دەيىن تايۆاندىق باق 25 مامىردا تاڭەرتەڭ تايۆاندىق F-16 ۇشاعىنىڭ اقش باعىتىنا قاراي ۇشقانىن حابارلاعان ەدى. مۇنداي ۇشۋدىڭ بۇرىن-سوڭدى بولماعاندىعى، ۇشۋ بارىسىندا ارنايى جاتتىعۋلار جۇرگىزىلگەنى اتاپ ءوتىلدى. بۇل ارەكەتتى اقش پەن تايۆان اسكەريلەرى ارىپتەستىكتىڭ جاڭا شىڭى دەپ اتاۋدا.
"ادىرنا" ۇلتتىق پورتالى
