ازاماتتارعا ارنالعان ۇكىمەتتىڭ الماتى فيليالىنداعى يگى ىستەر

2828
Adyrna.kz Telegram

فيليال قىزمەتكەرلەرى جىل سايىن ءداستۇرلى «دونور كۇنىن» وتكىزۋدى داستۇرگە اينالدىرعان. سول ادەتىنەن اينىماي، بيىل دا مۇقتاج جاندارعا كومەك بولسىن دەپ، فيليال قىزمەتكەرلەرى قان تاپسىردى.

قىزمەتكەرلەر اراسىندا كوپ جىلداردان بەرى قان تاپسىرىپ، كوپتەگەن جانعا اجالدان اراشا بولىپ، «قۇرمەتتى دونور» اتانعاندار دا بار. ءسولاردىى ءبىرى – دينارا تۇرعاليقىزى. ول 2011 جىلدان بەرى ۇزبەي قان تاپسىرىپ كەلەدى. بيىل 71-رەت دونور اتاندى. جەر ءجۇزىنىڭ ءاربىر ءۇشىنشى تۇرعىنى قانعا مۇقتاج، ورتا ەسەپپەن ءار كۇن سايىن 300 ادامعا قان قۇيىلاتىنىن ەسكەرسەك، قان تاپسىرۋشىنىڭ ۇانداي ىزگىلىكتى ڭس اتقارىپ جاتقانىن بايۇايمىز. ادام عۇمىرىنا اۋاداي قاجەت قانعا ءزارۋ جاندارعا، ءومىر مەن ءولىم اراسىندا جاتقان ناۋقاستارعا ەكىنشى ءومىر سىيلاۋ – ساۋاپتى ءىس.

وسىلايشا، بويىنداعى تامشى قانىن ءزارۋ جاندارعا سىيلايتىن قۇرمەتتى جاندار قاتارىندا ازاماتتارعا ارنالعان ۇكىمەتتىڭ ماماندارى دا بار ەكەنىن ماقتانىش ەتەمىز.
وسىنداي يگى شارا قاتارىندا، فيليال ماماندارىنىڭ قارت كىسىلەردىڭ ۇيلەرىنە بارىپ كومەكتەسۋىن، قالا ەكولوگياسىنا ۇلەس قوسىپ، اعاش وتىرعىزۋ شارالارىن دا قوسۋعا بولادى.
فيليالدىڭ قالانىڭ ءار اۋدانىندا ورنالاسقان بولىمدەرىنىڭ باسشىلارى جينالىپ، اعاش وتىرعىزۋ شاراسىن باستادى. بۇل جولى، الاتاۋ اۋدانىنداعى مامانداندىرىلعان حقو الدىنا 50-گە جۋىق ارشا وتىرعىزدى.

«مۇنداي يگى دە ىزگى شارالار فيليالىمىزدا قولداۋ تاۋىپ، ۇنەمى جالعاسىپ جاتادى. فيليال جانە ءبولىم باسشىلارى باستاعان جاسىلداندىرۋ باستاماسىن، ەندى بارلىق بولىمدەر قىزمەتكەرلەرى جالعاستىراتىن بولادى»، - دەيدى فيليالدىڭ PR-مەنەدجەرى جاڭىل اپەتوۆا.


ءيا، جاقسى ءىس – جانىڭدى جادىراتىپ، ءومىر ءسۇرۋ قۇلشىنىسىڭدى ارتتىرارى ءسوزسىز. ولاي بولسا، جاقسىلىق جاساپ جارىسايىق!

پىكىرلەر