Fılıal qyzmetkerleri jyl saıyn dástúrli «Donor kúnin» ótkizýdi dástúrge aınaldyrǵan. Sol ádetinen aınymaı, bıyl da muqtaj jandarǵa kómek bolsyn dep, fılıal qyzmetkerleri qan tapsyrdy.
Qyzmetkerler arasynda kóp jyldardan beri qan tapsyryp, kóptegen janǵa ajaldan arasha bolyp, «Qurmetti donor» atanǵandar da bar. Solardyi biri – Dınara Turǵalıqyzy. Ol 2011 jyldan beri úzbeı qan tapsyryp keledi. Bıyl 71-ret donor atandy. Jer júziniń árbir úshinshi turǵyny qanǵa muqtaj, orta eseppen ár kún saıyn 300 adamǵa qan quıylatynyn eskersek, qan tapsyrýshynyń uandaı izgilikti ńs atqaryp jatqanyn baıuaımyz. Adam ǵumyryna aýadaı qajet qanǵa zárý jandarǵa, ómir men ólim arasynda jatqan naýqastarǵa ekinshi ómir syılaý – saýapty is.
Osylaısha, boıyndaǵy tamshy qanyn zárý jandarǵa syılaıtyn qurmetti jandar qatarynda Azamattarǵa arnalǵan úkimettiń mamandary da bar ekenin maqtanysh etemiz.
Osyndaı ıgi shara qatarynda, fılıal mamandarynyń qart kisilerdiń úılerine baryp kómektesýin, qala ekologııasyna úles qosyp, aǵash otyrǵyzý sharalaryn da qosýǵa bolady.
Fılıaldyń qalanyń ár aýdanynda ornalasqan bólimderiniń basshylary jınalyp, aǵash otyrǵyzý sharasyn bastady. Bul joly, Alataý aýdanyndaǵy mamandandyrylǵan HQO aldyna 50-ge jýyq arsha otyrǵyzdy.
«Mundaı ıgi de izgi sharalar fılıalymyzda qoldaý taýyp, únemi jalǵasyp jatady. Fılıal jáne bólim basshylary bastaǵan jasyldandyrý bastamasyn, endi barlyq bólimder qyzmetkerleri jalǵastyratyn bolady», - deıdi fılıaldyń PR-menedjeri Jańyl Ápetova.
Iá, jaqsy is – janyńdy jadyratyp, ómir súrý qulshynysyńdy arttyrary sózsiz. Olaı bolsa, jaqsylyq jasap jarysaıyq!
