ۇندىستاندىق دارىگەرلەر كوروناۆيرۋستىڭ سالدارىنان "قارا زەڭ" جۇقتىرعان مىڭداعان ادامنىڭ ءبىر نەمەسە ەكى كوزىن الىپ تاستاۋعا ءماجبۇر بولدى، دەپ حابارلايدى «ادىرنا» ءتىلشىسى Daily Star باسىلىمىنا سىلتەمە جاساپ.
پروتسەدۋرا مۋكورميكوزبەن اۋىراتىنداردىڭ 60 پايىزىنا جاسالعان.
انيل ۆانكحەد ەسىمدى ناۋقاستا كوروناۆيرۋسپەن اۋىرعاننان كەيىن باس اۋرۋى مەن وڭ كوزدىڭ ءىسىنۋى پايدا بولعان. كەيىننەن ەر ادامعا مۋكورميكوز دياگنوزى قويىلعان. دارىگەر ونى ەمدەۋدىڭ جالعىز جولى كوز قۋىسى مەن وڭ كوزدى الىپ تاستاۋ ەكەنىن ايتقان.
"ەگەر ءبىز مۇنى تۇگەل جويماساق، ينفەكتسيا ميعا ەنۋى مۇمكىن. بۇل كەزەڭدە ءبىز پاتسيەنتتەردىڭ ءومىرىن قۇتقارا المايمىز",–دەدى دارىگەر اقشاي ناير.
ايتا كەتەيىك، بۇعان دەيىن نيۋ-دەليدە مۋكورميكوزبەن اۋىراتىندار سانى كۇرت وسكەنى تۋرالى حابارلانعان بولاتىن.
«ادىرنا» ۇلتتىق پورتالى
