ەلەكتروموبيلدەرگە سالىناتىن باج سالىعىن 15 پايىزعا ارتتىرماق

2933
Adyrna.kz Telegram
"وپەراتور روپ" جشس باتىستان كەلەتىن ەلەكتروموبيلدەرگە ەشقانداي دا ۋتيليزاتسيالىق الىم الىنبايدى دەپ مالىمدەگەن بولاتىن. وزدەرىنىڭ رەسمي حابارلاۋىنداعى جازباسىندا "ەلەكتروموبيلدەرگە ۋتيليزاتسيالىق الىم الىنبايدى" دەپ جازعانىمەن، 416700 تەڭگە، ياعني 150 اەك كولەمىندە الىم ۇستالاتىنى ايتىلعان.
ەندى ەۋرازيالىق وداقتىڭ قۇرامىنداعى ەلدەرىنە كەلەتىن باتىستىڭ ەڭ سوڭعى مودەلدەگى ەلەكتروموبيل ينوماركالارىنا دا 2022 جىلدان باستاپ 15 پايىزدىق باج سالىعىن ەنگىزبەكشى. ەلەكترومبويلدەردى ەڭ سوڭعى ەكولوگيالىق تازا كولىكتەرگە جاتقىزىپ وتىر الەمنىڭ وركەنيەتتى تەحنولوگيالىق ەلدەرى.
ال بىزدەگى ەەس-ءتىڭ ەلدەرى كەز كەلگەن تاۋارعا توتەسىنەن باج سالىعىن ەنگىزىپ جىبەرەتىن قانداي قۇدىرەتى بار ەكەنىن مەن تۇسىنە المادىم. ەەس شىن مانىندە مەشەۋ ەلدەردىڭ باسىن بىرىكتىرىپ وتىرعان الەمدەگى ەڭ بەدەلسىز، جەمقورلىققا شاش-ەتەكتەن باتقان وداق.
بۇلاردىڭ بۇل تەرىس ءارى جەمقورلىققا نەگىزدەلىپ جاسالعان جوسپارلارىنا باتىستىڭ، ەۋروپانىڭ بيزنەس قاۋىمداستىقتارى قاباقتارىن ءتۇيىپ قاراپ وتىر. ولار رەسەيدەن وزدەرىنىڭ فيليالدارىن دا الىپ كەتەمىز دەپ شەشىم شىعارۋدا.
ال، باج سالىعىن ارتتىرۋدىڭ استارىندا بىزگە قاراتا تاعى دا "سەندەرگە ورىستىڭ قاڭسىعان قاڭىلتىرلارى دا جەتكىلىكتى" دەگەن ءسوز جاتىر. پۋتين بۇلاردى شىنجىرلاپ ۇستاپ وتىر.
بۇل ءوز كەزەگىندە ءبىزدىڭ ەلدىڭ الپاۋىت جەمقورلارىنا دا وتە جاقسى بولدى.
بەكبولات قارجان،
"ادىرنا" ۇلتتىق پورتالى 
پىكىرلەر