بەلارۋسسيا پرەزيدەنتى الەكساندر لۋكاشەنكو ەاەو-عا مۇشە مەملەكەتتەردىڭ باسشىلارىمەن جەكە كەزدەسۋلەردىڭ جوقتىعىنا وكىنىشىن ءبىلدىرىپ، «قازاقستان بۇرىن قوناقجاي بولاتىن» دەگەن ويىن ايتتى، دەپ حابارلايدى «ادىرنا» ۇلتتىق پورتالى.
«قۇرمەتتى وتىرىسقا قاتىسۋشىلار، سىزدەردى كورگەنىمە قۋانىشتىمىن. كورمەگەلى كوپ بولدى. قازاقستان بۇرىن قوناقجاي بولاتىن، قوناققا شاقىراتىن. قازىر نەگە ەكەنى جابىلىپ قالدىق، ۆاكتسينامىز جاقسى، حالىقتى جاپپاي ۆاكتسينالاپ جاتىرمىز دەيمىز. بىراق ءالى دە كەزدەسە الماي كەلەمىز»، – دەدى ول.
قازاقستاننىڭ مەملەكەت باسشىسى قاسىم-جومارت توقاەۆ لۋكاشەنكوعا ەستەقالارلىق بايانداما جاساعانى ءۇشىن العىس ايتىپ، ونىڭ سىنىنا جاۋاپ بەردى.
«سىزدەردى ءبىزدىڭ قوناقجايلىعىمىزعا كۇمان كەلتىرمەۋگە شاقىرامىن. بۇل كەڭەستى ونلاين وتكىزۋ تۋرالى شەشىم كونسەنسۋسومدا قابىلداندى. بارلىعىڭىز وسى شەشىممەن كەلىستىڭىزدەر. ءبىز ەاەو-عا مۇشە مەملەكەتتەردىڭ باسشىلارىنىڭ دەنساۋلىعىنا الاڭداعاندىقتان، جيىندى ونلاين تۇردە وتكىزىپ وتىرمىز. جاعدايعا جەڭىل قاراۋعا بولمايدى. ويتكەنى پاندەميا ءالى اياقتالمادى»، – دەدى توقاەۆ.
"ادىرنا" ۇلتتىق پورتالى
