Belarýssııa Prezıdenti Aleksandr Lýkashenko EAEO-ǵa múshe memleketterdiń basshylarymen jeke kezdesýlerdiń joqtyǵyna ókinishin bildirip, «Qazaqstan buryn qonaqjaı bolatyn» degen oıyn aıtty, dep habarlaıdy «Adyrna» ulttyq portaly.
«Qurmetti otyrysqa qatysýshylar, sizderdi kórgenime qýanyshtymyn. Kórmegeli kóp boldy. Qazaqstan buryn qonaqjaı bolatyn, qonaqqa shaqyratyn. Qazir nege ekeni jabylyp qaldyq, vakınamyz jaqsy, halyqty jappaı vakınalap jatyrmyz deımiz. Biraq áli de kezdese almaı kelemiz», – dedi ol.
Qazaqstannyń memleket basshysy Qasym-Jomart Toqaev Lýkashenkoǵa esteqalarlyq baıandama jasaǵany úshin alǵys aıtyp, onyń synyna jaýap berdi.
«Sizderdi bizdiń qonaqjaılyǵymyzǵa kúmán keltirmeýge shaqyramyn. Bul keńesti onlaın ótkizý týraly sheshim konsensýsomda qabyldandy. Barlyǵyńyz osy sheshimmen kelistińizder. Biz EAEO-ǵa múshe memleketterdiń basshylarynyń densaýlyǵyna alańdaǵandyqtan, jıyndy onlaın túrde ótkizip otyrmyz. Jaǵdaıǵa jeńil qaraýǵa bolmaıdy. Óıtkeni pandemııa áli aıaqtalmady», – dedi Toqaev.
"Adyrna" ulttyq portaly
