كاسپي تەڭىزىندە قازاقستان رەسپۋبليكاسى اسكەري-تەڭىز كۇشتەرى مەن رەسەي اسكەري-تەڭىز كۇشتەرىنىڭ بىرلەسكەن جاتتىعۋلارى ءوتىپ جاتىر. بۇل تۋرالى بۇگىن، 20 مامىردا قر قورعانىس مينيسترلىگى مالىمدەدى، دەپ حابارلايدى «ادىرنا» ۇلتتىق پورتالى.
جاتتىعۋلار كاسپي تەڭىزىنىڭ سولتۇستىك بولىگىندەگى ەكونوميكالىق قىزمەت وبەكتىلەرىن قورعاۋعا ارنالعان. ايتا كەتەيىك، قازاقستان كاسپي تەڭىزىنىڭ سولتۇستىگىندە الىپ قاشاعان مۇناي كەن ورنىن يگەرۋدە.
«قازاقستاننىڭ قارۋلى كۇشتەرى اسكەري-تەڭىز كۇشتەرى جوعارعى باس قولباسشىسىنىڭ جەدەل باسقارۋ توبىمەن، تەڭىز بازاسىنىڭ بولىمشەسىمەن، «ورال» جانە «ماڭعىستاۋ» زىمىراندىق-ارتيللەريالىق كەمەلەرىنىڭ ەكيپاجدارىمەن جانە «جايىق» گيدروگرافيالىق كەمەسىمەن ۇسىنىلعان. سونىمەن قاتار الدىڭعى شەپتەگى اۆياتسيا مەن ارميانىڭ اۆياتسيا تىكۇشاقتارى قاتىسادى»، - دەلىنگەن ءباسپاسوز حابارلاماسىندا.
بىرلەسكەن جاتتىعۋلارعا قازاقستان اسكەري-تەڭىز كۇشتەرىنىڭ باس قولباسشىسى كونتر-ادميرال ساكەن بەكجانوۆ جەتەكشىلىك ەتەدى.
"ادىرنا" ۇلتتىق پورتالى
