Qazaqstan men Reseı Kaspıı teńizinde birlesken jattyǵýlar ótkizip jatyr

2544
Adyrna.kz Telegram

Kaspıı teńizinde Qazaqstan Respýblıkasy Áskerı-teńiz kúshteri men Reseı Áskerı-teńiz kúshteriniń birlesken jattyǵýlary ótip jatyr. Bul týraly búgin, 20 mamyrda QR Qorǵanys mınıstrligi málimdedi, dep habarlaıdy «Adyrna» ulttyq portaly.

Jattyǵýlar Kaspıı teńiziniń soltústik bóligindegi ekonomıkalyq qyzmet obektilerin qorǵaýǵa arnalǵan. Aıta keteıik, Qazaqstan Kaspıı teńiziniń soltústiginde alyp Qashaǵan munaı ken ornyn ıgerýde.

«Qazaqstannyń Qarýly Kúshteri Áskerı-teńiz kúshteri Joǵarǵy Bas qolbasshysynyń jedel basqarý tobymen, teńiz bazasynyń bólimshesimen, «Oral» jáne «Mańǵystaý» zymyrandyq-artıllerııalyq kemeleriniń ekıpajdarymen jáne «Jaıyq» gıdrografııalyq kemesimen usynylǵan. Sonymen qatar aldyńǵy sheptegi avıaııa men armııanyń avıaııa tikushaqtary qatysady», - delingen baspasóz habarlamasynda.

Birlesken jattyǵýlarǵa Qazaqstan Áskerı-teńiz kúshteriniń bas qolbasshysy kontr-admıral Sáken Bekjanov jetekshilik etedi.

"Adyrna" ulttyq portaly

Pikirler