بۇگىن ۇلتتىق اكادەميالىق كىتاپحاناسىندا حالىقارالىق تۇركى اكادەمياسىنىڭ ۇيىمداستىرۋىمەن بەلگىلى عالىم، فيلولوگيا عىلىمدارىنىڭ دوكتورى، پروفەسسور، تۇركى كەڭەسى اقساقالدار كەڭەسىنىڭ مۇشەسى ءادىل احمەتوۆتىڭ جاڭا كىتاپتارىنىڭ تۇساۋكەسەر ءراسىمى ءوتتى، دەپ حابارلايدى "ادىرنا" ۇلتتىق پورتالى. بۇل تۋرالى تاريح عىلىمدارىنىڭ دوكتورى دارحان قىدىرالى، ءوز Facebook پاراقشاسىندا مالىمدەدى.
ءىس-شاراعا قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆ، حالىقارالىق تۇركى اكادەمياسىنىڭ پرەزيدەنتى دارحان قىدىرالى، قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات ايماعامبەتوۆ، قازاقستان رەسپۋبليكاسى پارلامەنتى سەناتىنىڭ دەپۋتاتى قۋانىش سۇلتانوۆ، ءمينيستردىڭ ءبىرىنشى ورىنباسارى قازاقستان رەسپۋبليكاسىنىڭ سىرتقى ىستەر ءمينيسترى شاحرات نۋرىشەۆ، سونداي-اق زيالى قاۋىم وكىلدەرى مەن بەلگىلى عالىمدار قاتىستى.
جينالىستى اكادەميا باسشىسى دارحان قىدىرالى جۇرگىزدى.
جاڭا كىتاپتاردىڭ تۇساۋكەسەرىن اشقان مەملەكەتتىك حاتشى قىرىمبەك كوشەرباەۆ ءا.احمەتوۆتىڭ ۇلتتىق عىلىمنىڭ دامۋىنا قوسقان ۇلەسىن ەرەكشە اتاپ ءوتتى.
كەزدەسۋ بارىسىندا ءادىل احمەتوۆتىڭ «تۇركى الەمىنىڭ ىرىم-تىيىمدارى»، «عاسىر عيبراتى» جانە «بۇرىنعى امەريكالىق «ۇندىستەردىڭ» التايلىق تەگى» اتتى ەڭبەكتەرى تانىستىرىلدى.
حالىقارالىق تۇركى اكادەمياسى ازىرلەگەن «تۇركى الەمىنىڭ ىرىم-تىيىمدارى» مونوگرافياسىندا اۆتور تۇركى حالىقتارىنىڭ ءتۇرلى تىيىمدارى مەن تىيىم سالىنعان قاعيدالارىنا نەگىزدەلگەن ىرىم-تىيىمداردى، ەتيكالىق راسىمدەردى جان-جاقتى تالداپ، تىيىم سالىنعان ۇعىمداردىڭ تۇسىندىرمە سوزدىگىن ۇسىنادى. «عاسىر عيبراتى» كىتابىندا جاھاندانعان الەمنىڭ گەوساياسي كەلبەتى مەن الەمدىك گەوساياساتتاعى ەگەمەن ەلدىڭ ءجۇرىپ وتكەن جولىن بەينەلەيتىن ساراپتامالىق ماقالالار بار. سونىمەن بىرگە عالىمنىڭ “بۇرىنعى امەريكالىق «ۇندىستەردىڭ» التايلىق تەگى” كىتابىندا العاشقى امەريكاندىقتاردىڭ اتا-بابالارى عانا ەمەس، ولاردىڭ مادەنيەتى دە ەۋرازيا كەڭىستىگىمەن، ونىڭ ىشىندە ورتالىق ازيا ايماعىمەن بايلانىستى دەگەن باتىل تۇجىرىمدار جاسالعان.
"ادىرنا" ۇلتتىق پورتالى
