اقتاۋ قالاسىنىڭ 35 جاستاعى تۇرعىنى ونىنشى پەرزەنتىنە اياعى اۋىر. بالالارىنىڭ ۇلكەنى قازىر 19 جاستا، كەنجەسى 9 ايلىق، دەپ حابارلايدى "ادىرنا" ۇلتتىق پورتالى inAktau-عا سىلتەمە جاساپ.
ساكەن مەن گاۋحار ەشمۇحانوۆتار 2001 جىلى ۇيلەنگەن. سودان بەرى جاس وتباسى ءتورت ۇل، بەس قىزدىڭ اتا-اناسى بولىپ وتىر. ولاردىڭ ەڭ ۇلكەنى 19 جاستا، كىشىسى 9 ايلىق. ەرلى-زايىپتىلار ەگىز ۇل مەن قىزدى تاربيەلەپ وتىر. قازىر كوپبالالى وتباسى ونىنشى بوبەگىن كۇتۋدە.
بوس ۋاقىتىندا گاۋحار ەشمۇحانوۆا شىعارماشىلىقپەن اينالىسادى، مەرەكەلىك شارالاردا ءان ايتادى.
«ماعان قايىن ەنەم مەن ۇلكەن قىزدارىم بالالاردى تاربيەلەۋ مەن ولارعا قامقورلىق جاساۋدا كومەكتەسەدى. ولاردىڭ قولداۋىنىڭ ارقاسىندا مەن وزىمە ۋاقىت تابامىن. ۇلكەندەرى كىشىلەرىنە قارايدى، ءۇيدىڭ جۇمىسىنا دا كومەكتەسەدى» دەيدى گاۋحار ەشمۇحانوۆا.
"ادىرنا" ۇلتتىق پورتالى
