Aqtaý qalasynyń 35 jastaǵy turǵyny onynshy perzentine aıaǵy aýyr. Balalarynyń úlkeni qazir 19 jasta, kenjesi 9 aılyq, dep habarlaıdy "Adyrna" ulttyq portaly inAktau-ǵa silteme jasap.
Sáken men Gaýhar Eshmuhanovtar 2001 jyly úılengen. Sodan beri jas otbasy tórt ul, bes qyzdyń ata-anasy bolyp otyr. Olardyń eń úlkeni 19 jasta, kishisi 9 aılyq. Erli-zaıyptylar egiz ul men qyzdy tárbıelep otyr. Qazir kópbalaly otbasy onynshy bóbegin kútýde.
Bos ýaqytynda Gaýhar Eshmuhanova shyǵarmashylyqpen aınalysady, merekelik sharalarda án aıtady.
«Maǵan qaıyn enem men úlken qyzdarym balalardy tárbıeleý men olarǵa qamqorlyq jasaýda kómektesedi. Olardyń qoldaýynyń arqasynda men ózime ýaqyt tabamyn. Úlkenderi kishilerine qaraıdy, úıdiń jumysyna da kómektesedi» deıdi Gaýhar Eshmuhanova.
"Adyrna" ulttyq portaly
