قىتايدىڭ Wing Loوng - 10 اتتى زاماناۋي درونداردىڭ ءبىرى. 17كم بيىكتىككە دەيىن كوتەرىلە الادى. 6 ساعات اۋەدە قالقىپ ۇشىپ، جاۋدىڭ ستراتەگيالىق نۇكتەلەرىن تاۋىپ، بومبالاۋعا ارنالعان درون.
رەاكتيۆتى موتورمەن جابدىقتالعان. 620 كم/ساع جىلدامدىقپەن ۇشا الادى. 450 كگ جۇكتى (بومبالاۋشى راكەتالاردى) اۋەگە الىپ ۇشادى. 2016 جىلدان باستاپ قىتاي بۇل قارۋىن ءتۇرلى الەمدىك كورمەلەردە كورسەتىپ كەلەدى.
Wing Loong-10 جەتىلدىرىلگەن درون. مۇنىڭ 200 كگ جۇكتى كوتەرە الاتىن، 20 ساعات ۇزدىكسىز ۇشاتىن ءبىر ءتۇرىن قازاقستان ساتىپ العان. قازاقستانمەن قاتار ەگيپەت، ساۋد ارابياسى، ءباا اسكەرىندە بار.
نەگىزى مۇنداي قارۋلار وتە قاجەت. ءوزىڭ وندىرۋگە تالپىنعان دۇرىس. ەگەر بۇزىلسا سايماندارىن ساتىپ الۋ، جوندەۋ قيىنعا سوعادى. ۇنەمى وزگە ەلگە تاۋەلدى بولاسىڭ. جاساندى ينتەللەكت جازبالارىن ءوزىڭ شىعارماعاننان كەيىن قالاعان ۋاقىتتا قارسى تاراپ جۇمىسىن توقتاتىپ تاستاي الادى. ءتىپتى بولماسا درون العان مالىمەتتەردى سىزدەن بۇرىن ءوندىرۋشى ەلگە جىبەرەدى. مۇنىڭ ءبارى اسكەري ريسك.
قازىر تۇركيا، اقش، ەو ەلدەرى بەسپيلوتنيكتەردى قويىپ 5-ءشى بۋىن ۇشاقتارىن وندىرۋگە كىرىستى. ول ۇشاقتار ۇشقىشسىز باسقارىلادى. جىلدام ۇشادى. درونداردا بار بارلىق تەحنيكالىق ەرەكشەلىكتەردى يگەرگەن XXI عاسىردىڭ زاماناۋي تەحنولوگياسى.
باۋىرجان سەرىكباەۆ،
"ادىرنا" ۇلتتىق پورتالى
