قىتاي ورتالىق راديو ستانتسياسىنىڭ بۇگىن تاراتقان حابارىندا، شينجياڭدا كوروناۆيرۋسىمەن اۋىرعان ءتورتىنشى ادام تىركەلگەنىن مالىمدەدى.
وندا بىلاي دەلىنگەن; «شينجياڭ اۆتونوميالى رايوننىڭ دەنساۋلىق ساقتاۋ جانە سالاماتتىق كوميتەتىنىڭ جاريالاعان حابارى - 25 قاڭتار كۇنى كۇنى ساعات تۇنگى 12:00-دەن 24-كە دەيىن، شينجياڭنان جاڭا ءتيپتى ايدارشا ۆيرۋسپەن جۇعىمدالعان جانە ءبىر ادام بايقالعان. قازىرگە دەيىن شىڭجاڭداعى جاڭا ءتيپتى ايدارشا ۆيرۋسىمەن جۇعىمدالعان وكپە قابىنۋ ىندەتىنە دۋراش بولعاندار 4 ادامعا جەتتى. مۇنىڭ ۇشەۋى ءۇرىمجى قالاسىندا، بىرەۋى ىلە قازاق اۆتونوميالى وبلىسىندا، ءولىم-ءجىتىم جاعدايى جوق. شينجياڭنان قازىرگە دەيىن تابىلعان، جاڭا ءتيپتى ايدارشا ۆيرۋسىمەن جۇعىمدالعاندارعا جاناسقاندار 85 ادام. بۇلار تۇگەلدەي مەديتسينالىق باقىلاۋدا» دەلىنگەن.
قىتاي بيلىگى بىرنەشە اپتا ىشىندە وسى قالادا كوروناۆيرۋس ىندەتىن جۇقتىرعاندارعا ارنالعان 1 300 ورىندىق جاڭا اۋرۋحانا سالىپ بىتىرمەك. ودان كەيىن ءبىر-ەكى اپتادان سوڭ تاعى وسىنداي ەكىنشى جاڭا اۋرۋحانا پايدالانۋعا بەرىلەدى. قىتايدىڭ كوپ قالاسىندا سەنبى كۇنى باستالعان قىتايلىق جاڭا جىلعا بايلانىستى جوسپارلانعان شارالاردى وتكىزۋگە تىيىم سالىنعان.
