قازاقستان سپورتشىلارى قازاق كۇرەسىنىڭ دۇنيە جۇزىندە قانات جايىپ دامۋىنا ۇلكەن ۇلەس قوسقان ابىشەۆ يسلام ءالماحانۇلىن بوستاندىققا شىعارۋدى سۇرايدى. ولار نۇر-سۇلتان قالاسى سوتىنىڭ قىلمىستىق ىستەر جونىندەگى القاسىنا ءوتىنىش جازدى، دەپ حابارلايدى «ادىرنا» ۇلتتىق پورتالى.
«تۇكەەۆ سەرىك ادامۇلىن مەرزىمنەن بۇرىن بوستاندىققا شىعارعاندارىنىزعا شەكسىز ريزامىز. يسلام ءالماحانۇلى دا 60 ايلىق جازاسىنىڭ (5 جىل) 40 ايىن وتەپتى، جاسى 65 تەن استى.
قوس ارىستان بوستاندىقتا جاس سپورتشىلارعا، باپكەرلەرگە وزدەرىنىڭ اقىل كەنەستەرىن بەرىپ وتىرعان بولار ەدى.
ءوتىنىشىمىزدى جەرگە قالدىرمايسىزدار دەگەن ويدامىز»، - دەلىنگەن حابارلامادى.
وتىنىشكە قول قويعاندار: بوكستان 2013-2014 جىلداراىنىڭ قورىتىندىسى بويىنشا دۇنيە ءجۇزىنىڭ ەكى مارتە ەڭ ۇزدىك باپكەرى، قر ەڭبەگى سىڭىرگەن جاتتىقتىرۋشىسى - مىرزاعالي ايتجانوۆ; بوكستان الەم چەمپيوندارى ەردوس جاڭابەرگەنوۆ پەن بەكزات نۇرداۋلەتوۆتىڭ، وليمپيادا ويىندارىنىڭ ەكى دۇركىن كۇمىس جۇلدەگەرى ادىلبەك نيازىمبەتوۆتىڭ باپكەرى، قر ەڭبەگى سىڭىرگەن جاتتىقتىرۋشىسى - مارات جاقيەۆ; بوكستان وليمپيادا چەمپيونى باقتيار ارتاەۆ پەن الەم چەمپيوناتىنىڭ جۇلدەگەرى ءابىلحان امانقۇل مەن عاني جايلاۋوۆتىڭ باپكەرى، قر ەڭبەگى سىڭىرگەن جاتتىقتىرۋشىسى - نۇرلان اقۇرپەكوۆ; بوكستان الەم چەمپيونى گەننادي گولوۆكين مەن ازيا چەمپيوناتىنىڭ جۇلدەگەرى ەلدوس ءسايداليننىڭ باپكەرى قر ەڭبەگى سىڭىرگەن جاتتىقتىرۋشىسى - عالىمبەك كەنجەباەۆ; گرەك-ريم كۇرەسىنەن الەم چەمپيونى باقتيار بايسەيتوۆ پەن سسرو حالىقتارى سپارتاكياداسىنىڭ جەڭىمپازى ەسەنكەلدى باتىرعاريننىڭ باپكەرى، قر ەڭبەگى سىڭىرگەن جاتتىقتىرۋشىسى - تاڭات ساعىندىكوۆ; بوكستان وليمپيادا ويىندارى مەن الەم چەمپيوناتىنىڭ كۇمىس جۇلدەگەرى - مۇحتارحان دىلدابەكوۆ; ەركىن كۇرەستەن 1996 جىلعى اتلانتا وليمپياداسى مەن الەم چەمپيوناتىنىڭ قولا جۇلدەگەرى - ماۋلەن مامىروۆ; گرەك-ريم كۇرەسىنەن الەم چەمپيوناتىنىڭ قولا، وليمپيادا ويىندارىنىڭ كۇمىس جۇلدەگەرى - نۇرباقىت تەڭىزباەۆ; بوكستان دۇنيە ءجۇزىنىڭ چەمپيونى - ءبىرجان جاقىپوۆ; بوكستان دۇنيە ءجۇزىنىڭ چەمپيونى - قايرات ەراليەۆ; گرەك-ريم كۇرەسىنەن الەم چەمپيوناتىنىڭ قولا، وليمپيادا ويىندارىنىڭ كۇمىس جۇلدەگەرى نۇرباقىت تەڭىزباەۆتىڭ باپكەرى، قر ەڭبەگى سىڭىرگەن جاتتىقتىرۋشىسى - قۇدايبەرگەن اعىموۆ.
"ادىرنا" ۇلتتىق پورتالى
