باۋىرجان سەرىكباەۆ: توقاەۆ 2 جىلدا نە ىستەدى؟

3042

بۇگىن – پرەزيدەنتتىڭ تۋعان كۇنى. 2 جىلدا اتقارىلعان ىستەرىنە شولۋ جاسايىق.

1. اۋىل شارۋاشىلىعى جەرلەرى شەتەلدىكتەرگە ساتىلمايدى، جالعا دا بەرىلمەيدى دەگەن زاڭدى تىكەلەي ءوز باستاماسىمەن قابىلدادى.

2. 300 مىڭ تەڭگەگە دەيىنگى تۇرمىسى تومەن وتباسىلاردىڭ نەسيەسىن كەشىردى.

3. شەتەل ينۆەستورلارىنا قازاقستاندا بار كادرلاردى ءوزىمىزدىڭ ازاماتتاردان الىڭدار دەگەن تالاپ قويدى.

4. بايلار كوپ، تابىسى تومەندەر از تولەيتىن سالىق جۇيەسىن رەفورمالادى.

5. 2021 جىلدان باستاپ اۋىل اكىمدەرىن، 2024 جىلدان اۋدان اكىمدەرىن، ءبارى ءساتتى شىقسا ساتىلاپ قالا مەن وبلىس اكىمدەرىن سايلايتىن بولامىز دەگەن ساياسي رەفورمانىڭ ەۆوليۋتسيالىق باعىتىنا جول سالدى.

6. پاندەميا كەزىندە ۆاكتسينا ماسەلەسىن ءتيىستى دەڭگەيدە شەشتى. الەمدە وندىرىلگەن ۆاكتسينانىڭ 90% دامىعان 10 ەلدىڭ حالقىنا كەتىپ جاتىر. بىزدە ۆاكتسينا جەتپەيدى دەگەن ماسەلە جوق. ۆاكتسينا سالدىرعىسى كەلمەيتىن ماسەلە بار.

7. سىرتقى ساياساتتا پراگماتيكالىق باعىتتى ۇستانىپ كەلەدى. سوڭعى 2 اپتادا جاپونيا پرەمەر-مينيسترىمەن كەلىسسوز ءوتتى. اۋعانستانمەن كەلىسسوز. 19-20 مامىر تاجىكستانعا ساپارى جوسپارلانعان. قىرعىزستانعا 10 مىڭ توننا ۇن گۋمانيتارلىق كومەك، يندياعا كومەك ىسكە استى. الەمنىڭ بارلىق ەلىمەن تاتۋ ءارى ستراتەگيالىق ارىپتەستىك جۇيەلى جۇرگىزىلۋدە.

8. ساياسي پارتيالار پارلامەنتكە ءوتۋى ءۇشىن 5% مەجە جەتكىلىكتى بولاتىن، پارتيا قۇرۋ ءۇشىن 40 مىڭنان 20 مىڭ قولداۋشى سانى تالاپ ەتىلەتىن وزگەرىس ەندى.

9. قازاقستانداعى ەڭ ۇلكەن پروبلەما كەدەيشىلىك دەگەن ءسوزدى ەڭ جوعارى دەڭگەيدە پرەزيدەنت ايتتى. الەۋمەتتىك جەلى، قوعامدا ايتىلىپ جاتقان سىن-پىكىرلەردى ەسكەرۋ، حالىق ۇنىمەن ساناسۋ، مەملەكەتتىك ورگانداردىڭ اشىقتىعى ءپرينتسيپىن تاباندى تۇردە ىسكە اسىرۋعا باعىتتالعان ساياساتقا كوشتى.

ساتىلاپ، پراگماتيكالىق جولمەن ەلدى الىپ كەلەدى. وسىنىڭ ءبارى سوڭعى 2 جىلداعى وزگەرىستەر. ءالى دە وڭ باستامالار جالعاسا بەرمەك. قۇتتى بولسىن!

 

پىكىرلەر
رەداكتسيا تاڭداۋى