جاقىندا قر پرەمەر-ءمينيسترى اسقار مامين 2020 جىلى ءوسۋدىڭ وڭ ديناميكاسىن كورسەتكەن وڭىرلەر قاتارىندا قوستاناي وبلىسى دا بار ەكەنىن اتاپ وتتى.
وڭ وزگەرىستەر
ادەتتە، كەز كەلگەن ايماقتىڭ ەكونوميكاسىندا ءبىر ەرەكشەلىكتىڭ نەمەسە باسىمدىق كورسەتەتىن سالانىڭ بولاتىنى بەلگىلى. ەگەر وبلىستىق ەكونوميكا جانە بيۋدجەتتىك جوسپارلاۋ باسقارماسى ۇسىنعان دەرەكتەرگە جۇگىنەتىن بولساق، قوستاناي وبلىسىنداعى ەكونوميكانىڭ دامۋىنا مۇمكىندىك بەرەتىن سالا – وڭدەۋ ونەركاسىبى. ونەركاسىپتىڭ ناقتى كولەم يندەكسى (نكي) تۇتاستاي العاندا 107,4% - دى قۇراسا، ونىڭ نكي 2020 جىلى 120% - عا تەڭ بولعان.
وڭدەۋ ونەركاسىبىنىڭ نكي-دە اۆتوونەركاسىپتىڭ ۇلەسى كوپ. 2020 جىلى وبلىستا 46,2%–عا جەڭىل اۆتوموبيلدەر، ەكى جارىم ەسە – شاعىن اۆتوبۋستار، ءۇش ەسە – جۇك ماشينالارى، 1,8 ەسە - تراكتورلار شىعارىلدى.
نەگىزىندە مەتالل يلەگى ءوندىرىسى – 8,9%، اسبەست ءوندىرۋ – 7,9%-دى قۇرايدى. وبلىستىڭ تاماق ونەركاسىبى سارى ماي ءوندىرۋ بويىنشا – 54,9% – عا ارتىق، الكوگولسىز سۋسىندار – 22,4%، ۇن – 14,4%، شۇجىق ونىمدەرى – 8,2%، نان-4,6% -دى يەلەنەدى.
ينۆەستيتسيالار
– جەكە ينۆەستيتسيالار بويىنشا توعىز ءوڭىر ءوسىم كورسەتتى، - دەپ اتاپ ءوتتى اسقار مامين. - ەڭ جوعارى ءوسۋ قارقىنى تۇركىستان، اقمولا جانە سولتۇستىك قازاقستان وبلىستارىندا، نۇر-سۇلتان جانە شىمكەنت قالالارىندا انىق كورىنەدى. سونىمەن قاتار قوستاناي، اقمولا، سولتۇستىك قازاقستان وبلىستارىندا، سونداي-اق الماتى قالاسىندا وڭدەۋ ونەركاسىبىنىڭ جوعارى ءوسىمى بايقالادى.
ەكونوميكا جانە بيۋدجەتتىك جوسپارلاۋ باسقارماسىنىڭ دەرەكتەرى بويىنشا، نەگىزگى كاپيتالداعى 329,5 ملرد تەڭگەنى نەمەسە 2019 جىلعا 111,0%-دى ينۆەستيتسيالار قۇرايدى. قانداي سالالارعا ينۆەستيتسيا سالعان دۇرىس؟ ينۆەستورلار ءۇشىن ونەركاسىپ (ينۆەستيتسيالاردىڭ جالپى كولەمىنىڭ 39,5%), اۋىل شارۋاشىلىعى (16,7%), جىلجىمايتىن مۇلىكپەن وپەراتسيالار (12,4%) جاساۋ الدەقايدا كوپ تابىس اكەلەدى.
اۋىل شارۋاشىلىعى مەن جىلجىمايتىن مۇلىكتەگى نكي ءوسۋى ينۆەستيتسيالاۋدىڭ باسىم باعىتتارىمەن بايلانىستى ما؟ اۋىل شارۋاشىلىعى سالاسىندا اۋىل شارۋاشىلىعى ونىمدەرىنىڭ جالپى شىعارىلىمى 572,1 ملرد تەڭگەنى نەمەسە 2019 جىلى 120,8% قۇرادى. ءىرى قارا مال باسى 0,2% – عا، ونىڭ ىشىندە سيىر – 3,2% – عا، قويلار – 1,4% - عا، ەشكىلەر-3,1% - عا، جىلقىلار-6,8%-عا ۇلعايدى. 104 مىڭ توننا ەت، 427 مىڭ توننا سيىر ءسۇتى، 616,3 ملن دانا جۇمىرتقا وندىرىلەدى.
قۇرىلىستا ورىندالعان جۇمىستار كولەمى 150,7 ملرد تەڭگەنى قۇرايدى، بۇل 2019 جىلعا قاراعاندا 28,4%-عا ارتىق. جالپى اۋدانى 379 مىڭ شارشى مەتردەن استام تۇرعىن ءۇي عيماراتتارى پايدالانۋعا بەرىلدى. بۇل وتكەن جىلمەن سالىستىرعاندا 113,1% جەتكەن.
باعا
پاندەميا شاعىن جانە ورتا كاسىپكەرلىك سۋبەكتىلەرىنىڭ جۇمىسىن ايتارلىقتاي قيىنداتتى. 2021 جىلعى 1 قاڭتارداعى جاعداي بويىنشا وبلىستا 52495 شاعىن جانە ورتا بيزنەس سۋبەكتىلەرى جۇمىس ىستەيدى، 158 مىڭنان استام ادام جۇمىسپەن قامتىلعان. دەگەنمەن، ءونىم شىعارۋ 2020 جىلعى قاڭتار-قىركۇيەكتە وتكەن جىلعا قاراعاندا 3,1% - عا ۇلعايىپ، 805 ملرد تەڭگەدەن استام سومانى قۇراعان.
ينفلياتسيانىڭ جالپى دەڭگەيىن سيپاتتايتىن تۇتىنۋ باعالارىنىڭ يندەكسى 2020 جىلى جەلتوقساندا 2019 جىلعا قاراعاندا 107,2% - عا دەيىن ارتقان. باعا يندەكسى ازىق – تۇلىك تاۋارلارىنا – 11,0%، ازىق-تۇلىك ەمەس تاۋارلارىنا-5,4%، اقىلى قىزمەتتەرگە - 4,0%-عا ءوستى. ستاتيستيكاعا سايكەس، وبلىس كاسىپورىندارىنداعى ءبىر قىزمەتكەردىڭ ورتاشا ايلىق جالاقىسى 2020 جىلدىڭ قاڭتار-قىركۇيەك ايلارىندا 163847 تەڭگەنى قۇراعان. (2019 جىلدىڭ ءتيىستى كەزەڭىنە 116,8%). الايدا مەملەكەت تاراپىنان باعانى رەتتەۋ قاجەتتىلىگى ءالى كۇنگە دەيىن وزەكتى ماسەلەلەردىڭ قاتارىندا.
