ۇلىبريتانيا cىرتقى ىستەر ءمينيسترىنىڭ باسشىسى دجەيمس كلەۆەرلي 2023 جىلعى 18 ناۋرىزدا قازاق ەلىنىڭ مۇنايى مەن گازىن، ءتىپتى، جالپى قازاق ونىمدەرىن ەكسپورتتاۋدىڭ بالامالى جولدارىن ىزدەۋدە ءبىر جاعىنا شىعىساتىنىن جەتكىزدى. وتاندىق ونىمدەردى سىرتقا ەكسپورتتاۋعا ارنالعان "ورتا ءدالىز" جوباسىن قولداۋ باعىتىندا اعىلشىن ۇكىمەتىنىڭ كومەككە دايىن ەكەنىن مالىمدەدى. سونىمن قاتار ۋكراينا تۇتاستىعىن قولايتىن قازاق قوعامىنىڭ پاراساتىن جوعارى باعالادى، دەپ حابارلايدى "ادىرنا" ۇلتتىق پورتالى Zakon.kz-كە سىلتەمە كورسەتە وتىرىپ.
دجەيمس كلەۆەرلي ۇلىبريتانيانىڭ قازاق ەكونوميكا بازاسىن قورعاۋ جانە اۋقىمىن كەڭەيتۋ ءۇشىن قازاقستان ۇكىمەتىمەن بىرلەسە جۇمىس اتقارا بەرەتىنىن اتاپ ءوتتى. ويتكەنى، قازاق ەلىنىڭ مۇمكىندىكتەرى مول، ياعني "قازاقستاننىڭ حالىقارالىق ارىپتەستەرمەن جۇمىس ىستەۋدە بىرقاتار ءتيىمدى، بالامالى جولدارى بار".
"قازاقستاندىق مۇناي مەن گاز تاسىمالىنداعى كىدىرىستەرگە قاتىستى تالقىلاۋعا قاتىسقان كەزىم بولدى. ءبىز ۇلىبريتانيا قازاقستاندىق ونىمدەردى ەكسپورتتاۋدىڭ بالامالى جولدارىن انىقتاۋشى "ورتا ءدالىز" جوباسىن قولداۋعا كومەكتەسۋ ءۇشىن نە ىستەي الاتىنى تۋرالى ايتتىق. بريتاندىق تاجىريبەنىڭ، ينۆەستيتسيالاردىڭ كومەگى ارقىلى. ءبىز ديۆەرسيفيكاتسيا مۇمكىندىكتەرىن دامىتۋدا بەلسەندى ءرول وينايمىز", - دەدى دجەيمس كلەۆەرلي.
سونداي-اق ول ۋكراينانىڭ اۋماقتىق تۇتاستىعىن قولداۋعا قاتىستى قازاقستاننىڭ ۇستانىمىنا جوعارى باعا بەردى.
