ەردوعان: ازەربايجاندى قالاي قولداساق، يەرۋساليمدە پالەستينانى سولاي قولدايمىز!

8731
Adyrna.kz Telegram

"تۇركيا يەرۋساليمدە پالەستيندىكتەردى تاۋلى قاراباحتا ءازىربايجاندى قالاي قولداسا، سولاي قولداۋعا دايىن" دەدى تۇركيا پرەزيدەنتى تايىپ ەردوعان.

«ءبىز تەرروريستىك يزرايل مەملەكەتىنىڭ قىسىمىنا ىزامەن قاراۋدامىز. يزرايل بارلىق قىزىل سىزىقتان ءوتىپ كەتتى. ءبىز ءازىربايجاننىڭ ءوز جەرىن باسقىنشىلاردان ازات ەتۋ جولىنداعى كۇرەسىن قالاي قولداساق، بۇگىن يەرۋساليمدە ەزگىگە ۇشىراعان پالەستين حالقىن تۋرا سولاي قولداۋدى باستايمىز. سيريامەن شەكارالاس ايماعىمىزدى قالاي قورعاشتاساق، تۋرا سولاي قورعاۋعا ءازىرمىز»، - دەدى ەردوعان.

ەردوعان 19 ەلدىڭ پرەزيدەنتتەرىمەن جانە ۇكىمەت باسشىلارىمەن گازاداعى جاعداي بويىنشا كەلىسسوزدەر جۇرگىزگەن. 8 مامىرعا قاراعان ءتۇنى شىعىس يەرۋساليمدە پالەستينالىقتار مەن يزرايل پوليتسياسى اراسىندا اۋقىمدى قاقتىعىستار باستالدى.

دۇيسەنبى كۇنى كەشكە يزرايل مەن پالەستينانىڭ گازا سەكتورى اراسىنداعى قاقتىعىس شيەلەنىسە ءتۇستى. ءيزرايلدىڭ ەلدى مەكەندەرىنە زىمىراندىق شابۋىلدار ۇزدىكسىز جۇرۋدە،  ال يزرايل كۇشتەرى گازا ايماعىنا جويقىن سوققىلار جاساۋدا. پالەستينا تاراپىنان 120 ادام قازا تاپسا، يزرايل جاعىنان 9 ادام كوز جۇمعان.

"ادىرنا" ۇلتتىق پورتالى

پىكىرلەر