"Túrkııa Ierýsalımde palestındikterdi Taýly Qarabahta Ázirbaıjandy qalaı qoldasa, solaı qoldaýǵa daıyn" dedi Túrkııa prezıdenti Taıyp Erdoǵan.
«Biz terrorıstik Izraıl memleketiniń qysymyna yzamen qaraýdamyz. Izraıl barlyq qyzyl syzyqtan ótip ketti. Biz Ázirbaıjannyń óz jerin basqynshylardan azat etý jolyndaǵy kúresin qalaı qoldasaq, búgin Ierýsalımde ezgige ushyraǵan Palestın halqyn týra solaı qoldaýdy bastaımyz. Sırııamen shekaralas aımaǵymyzdy qalaı qorǵashtasaq, týra solaı qorǵaýǵa ázirmiz», - dedi Erdoǵan.
Erdoǵan 19 eldiń prezıdentterimen jáne úkimet basshylarymen Gazadaǵy jaǵdaı boıynsha kelissózder júrgizgen. 8 mamyrǵa qaraǵan túni Shyǵys Ierýsalımde palestınalyqtar men Izraıl polıııasy arasynda aýqymdy qaqtyǵystar bastaldy.
Dúısenbi kúni keshke Izraıl men Palestınanyń Gaza sektory arasyndaǵy qaqtyǵys shıelenise tústi. Izraıldiń eldi mekenderine zymyrandyq shabýyldar úzdiksiz júrýde, al Izraıl kúshteri Gaza aımaǵyna joıqyn soqqylar jasaýda. Palestına tarapynan 120 adam qaza tapsa, Izraıl jaǵynan 9 adam kóz jumǵan.
"Adyrna" ulttyq portaly
